Բաքուն «ոչ բարեկամական» է անվանել հայկական արմատներով ՌԴ քաղաքացիների նկատմամբ խտրականության մասին ՌԴ ԱԳՆ-ի հայտարարությունը
Ադրբեջանի ԱԳՆ-ն հայտարարել է, որ «ոչ բարեկամական» է գնահատում հանրապետություն մուտք գործելիս Ռուսաստանի մի շարք քաղաքացիների նկատմամբ խտրական վերաբերմունքի մասին ՌԴ արտաքին քաղաքական գերատեսչության հայտարարությունը, և համարում է, որ այն «չի համապատասխանում երկու երկրների միջև ռազմավարական գործընկերության ոգուն», հայտնում է «ՌԻԱ Նովոստի»-ն:
ՌԴ ԱԳՆ-ն ավելի վաղ հայտարարել էր, որ Ադրբեջան ժամանող ՌԴ մի շարք քաղաքացիներ ենթարկվում են խտրականության ադրբեջանցի պաշտոնատար անձանց կողմից:
Ինչպես բացատրել են ՌԴ արտաքին քաղաքական գերատեսչությունում, տարեսկզբից ի վեր ՌԴ 25 քաղաքացու արգելվել է մուտք գործել Ադրբեջան: ԱԳՆ-ի տեղեկություններով՝ որպես կանոն՝ ՌԴ քաղաքացիներին ժամեր շարունակ պահել են Բաքվի օդանավակայանում, մի շարք դեպքերում՝ առանց սննդի, ջրի և բժշկական օգնության, այնուհետև բռնի կերպով հետ ուղարկել իրենց հաշվին: Նախարարությունում պարզաբանել են, որ նման վերաբերմունքի համար հիմք են հանդիսացել հայկական անունները, ազգանունները, հայրանունները:
«Ադրբեջանի տարածք հայկական ծագմամբ Ռուսաստանի քաղաքացիների մուտքի հարցին ՌԴ ԱԳՆ-ի վերաբերմունքի՝ ևս մեկ անգամ արտահայտումը դիվանագիտական էթիկային չհամապատասխանող ձևով շատ զարմանալի է և անհասկանալի: Այդ հարցում ռուսական կողմի ցուցաբերած ոչ բարեկամական վերաբերմունքը ոչ մի կերպ չի համապատասխանում երկու պետությունների միջև ռազմավարական գործընկերության ոգուն»,- ասված է Ադրբեջանի ԱԳՆ-ի մամուլի ծառայության հայտարարությունում:
ՌԴ ԱԳՆ-ում ընդգծել էին, որ Մոսկվան բազմիցս պահանջել է Բաքվից «դադարեցնել այդ վրդովեցնող պրակտիկան, քննություն իրականացնել և համապատասխան գնահատական տալ պաշտոնատար անձնաց պահվածքին», սակայն «միջադեպերի քննություն չի իրականացվել»: Մոսկվայում հայտարարել են, որ կշարունակեն պահանջել «վրդովեցուցիչ խտրական պրակտիկայի դադարեցում»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը