Իմ Հերոս նախագիծ
Գլխավոր Թոփ լուրեր Լրահոս Վիդեո Թրենդ
Եվրատեսիլ 2027-ի տոմսերի վաճառքը կսկսվի հունվարին. BTA Կանանց տնտեսական հզորացում Հարավային Կովկասում Սուրեն Պապիկյանի գլխավորած պատվիրակությունը աշխատանքային այցով ժամանել է Բրյուսել Մեր նպատակն է ոչ թե դառնալ ԱՄՆ-ի կամ Չինաստանի վասալը, այլ ամրապնդել ռազմավարական ինքնավարությունը Որևէ կասկած չկա, որ կամուրջը կվերականգնվի և նախկինից էլ ավելի լավը կլինի 1890 թվականին նկարված կտավը գնահատվում է 180 միլիոն դոլար Նախարար Դավիթ Թադևոսյանի գլխավորած պատվիրակությունն այցելել է Սթենֆորդի համալսարան Թրամփը Ֆիլիպիններում մասնակցելու է ASEAN գագաթնաժողովին Ամբոխից Հռոմի պապի ուղղությամբ թևնոց են նետել Երաժշտական գործիք նվագելն ուղղակիորեն չի բարձրացնում է երեխայի ինտելեկտը Առաջիկա օրերին առանձին շրջաններում սպասվում են տեղումներ Մայրը մայր է՝ այստեղ ոչինչ անել չես կարող, ես հասկանում եմ նրա մեկնաբանությունները

Եվրատեսիլ 2027-ի տոմսերի վաճառքը կսկսվի հունվարին. BTAԿանանց տնտեսական հզորացում Հարավային ԿովկասումՍուրեն Պապիկյանի գլխավորած պատվիրակությունը աշխատանքային այցով ժամանել է ԲրյուսելՄեր նպատակն է ոչ թե դառնալ ԱՄՆ-ի կամ Չինաստանի վասալը, այլ ամրապնդել ռազմավարական ինքնավարությունըՈրևէ կասկած չկա, որ կամուրջը կվերականգնվի և նախկինից էլ ավելի լավը կլինի1890 թվականին նկարված կտավը գնահատվում է 180 միլիոն դոլար Նախարար Դավիթ Թադևոսյանի գլխավորած պատվիրակությունն այցելել է Սթենֆորդի համալսարան Թրամփը Ֆիլիպիններում մասնակցելու է ASEAN գագաթնաժողովինԱմբոխից Հռոմի պապի ուղղությամբ թևնոց են նետել Երաժշտական գործիք նվագելն ուղղակիորեն չի բարձրացնում է երեխայի ինտելեկտըԱռաջիկա օրերին առանձին շրջաններում սպասվում են տեղումներՄայրը մայր է՝ այստեղ ոչինչ անել չես կարող, ես հասկանում եմ նրա մեկնաբանություններըԱԺ նախագահը ընդդիմությանն առաջարկել է չխոչընդոտել նոր Սահմանադրության նախագծի հանրային քննարկմանըՀայաստանը՝ աշխարհի նոր AI հանգույցԽոստացիր ինձ, ԱմերիկաԷլեկտրոնային հսկողություն՝ ընտանեկան և կենցաղային բռնության կանխարգելման նպատակով (տեսանյութ)Մահացել է պատմության ամենաազդեցիկ թմրաբարոններից մեկըՀայտնաբերվել է 402 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)Հայաստանում կիրականացվի Ֆիզիկական արհեստական բանականության 7-ամյա ծրագիրԳերմանիայի ազգային հավաքականը Նիդերլանդների ընտրանուն հաղթեց 5-0 հաշվովՈւկրաինական անօդաչու թռչող սարքերը զանգվածային հարձակում են իրականացրել Ռուսաստանի Ուֆա և Սալավաթ քաղաքների ուղղությամբԻՀՊԿ հարված է հասցրել Բահրեյնի ռազմաբազայում տեղակայված ամերիկյան կայաններինԵթե քաղաքում օրեր շարունակ ունենում ենք 10-բալանոց խցանում, դա նյարդայնացնող էՍևանա լճում խստիվ արգելվում է սիգի արդյունագործական որսը (տեսանյութ)Ջերմուկ քաղաքում քաղաքացիները տեսանկարահանում մայր արջին՝ իր ձագերի հետ (տեսանյութ)Լեհաստանի ՍԴ պաշտոնանկ արված նախագահը կարող է կալանավորվելՄինչև 200 հազար դրամ աշխատավարձ ստացող քաղաքացիներին առողջության համընդհանուր ապահովագրության համակարգում ներառելու նախագիծըԵրևանի հանրային տրանսպորտում ստվեր չունենքՌոբերտ Արզումանյանը միացել է Գևորգ Ղազարյանի նախաձեռնությանըԻրանը մեղադրել է ԱՄՆ-ին հարվածների հաջորդ փուլին նախապատրաստվելու մեջԳերմանիայի արտաքին գործերի նախարարը կժամանի ՀայաստանԱԺ նախագահը չի կիսում Արմեն Գրիգորյանի եզրահանգումներըԽնդրի լուծման ճանապարհները պետք է քաղաքապետարանի մեր գործընկերները գտնեն․ Ռուբինյանը՝ Երևանի խցանումների մասինՆուբարաշեն ՔԿՀ-ում հայտնաբերվել են հոգեմետ դեղահաբերՆորայր Մեհրաբյանի հոգեհանգստի արարողությունը տեղի կունենա նոյեմբերի 18-ինԱՄՆ-ն թույլ չի տա, որ Իրանի դեմ պատերազմը ձգձգվի տարիներ. ՎենսՈղբերգական դեպք ԱրգենտինայումՏրևի շատրվանի մեջ նետած մետաղադրամների քանակը նվազել էԺոզե Մոուրինյուն հույսեր չի կապում երկու պաշտպանների հետՄոսկվան չպետք է խոչընդոտի Եվրոպայի հետ Հարավային Կովկասի երկրների մերձեցմանըԲրազիլիայում ընտանիքը ինքնաթիռում մոռացել է իր 7-ամյա որդունՍերխիո Ռամոսը կարող է վերադառնալ հայրենիք և համալրել Մալագայի շարքերըՀայաստան անձնական օգտագործման ապրանքների՝ առանց մաքսատուրքի ներմուծման չափաքանակներըՀրդեհ Արմավիր քաղաքում․կանխվել է հրդեհի տարածումը դեպի շինության մյուս հատվածներՔրեական ոստիկանները ապօրինի արդյունահանման երկու դեպք են բացահայտել Լոռու մարզի Քարինջ գյուղում (տեսանյութ)Գենդերային հավասարության և կանանց ու աղջիկների իրավունքների հարցերով Կոպենհագենի գագաթնաժողովՊետական եկամուտների կոմիտեն տեղեկացնում էՈւԵՖԱ-ն ՖԻՖԱ-ի նախագահի պաշտոնում առաջադրել է Ֆիլիպ Դիալոյի թեկնածությունըԳորիսի տարածաշրջանի ավտոճանապարհներին տեղ-տեղ մերկասառույց էՆԳՆ նախկին պաշտոնյա, «Ոսկե գնդապետ» Զախարչենկոն, ով կրում է 16 տարվա ազատազրկման պատիժ, ամուսնացել է իր փաստաբանի հետ
Հայաստան

Խայտառակ ընտրություն է․ ԶԼՄ-ները՝ ՍԴ դատավորի պաշտոնում Վահրամ Ավետիսյանի թեկնածության մասին

Կառավարությունը Սահմանադրական դատարանի դատավորի պաշտոնում առաջադրել է իրավաբան Վահրամ Ավետիսյանի թեկնածությունը։ Նրան գործադիրի այսօրվա նիստում ներկայացնելուց հետո լրատվական մեդիայում հայտնվեցին նրա եւ նրա ոչ անհայտ հոր մասին տարաբնույթ հրապարակումներ։ Վահրամ Ավետիսյանը իրավագիտության դոկտոր պրոֆեսոր է, Վճռաբեկ դատարանի քրեական պալատի նախկին նախագահ, դատավորների միության նախկին փոխնախագահ Դավիթ Ավետիսյանի որդին է։ Դավիթ Ավետիսյանին, ինչպես գրել է hraparak.am-ը, դատական համակարգում շատ լավ են ճանաչում։

«Նրա աչալուրջ «հսկողության» տակ էին Սերժ Սարգսյանի օրոք կայացվում քրեական գործերով բոլոր դատավճիռները։ Չկար գեթ մեկ դատական ակտ, որը նախապես չհամաձայնեցվեր Դավիթ Ավետիսյանի հետ։ Քրեական գործերը քննող դատավորներն ամբողջ օրը «պապկաները թեւի տակ» շտապում էին Վճռաբեկ՝ Ավետիսյանից ցուցումներ ստանալու։ Նա Վճռաբեկի քրեական պալատի նախագահ է նշանակվել 2008 թվականի հունվարի 1-ին։ Քրեական արդարադատության ոլորտում նրա դերակատարումը եւ դատավորներին հնազանդեցնելու, նախագահականից կառավարելու գործընթացը հենց Դավիթ Ավետիսյանն է իրականացրել։

Այսինքն, կարելի է ասել, որ Սերժ Սարգսյանի 10-ամյա կառավարման ժամանակ բոլոր քրեական-քաղաքական դատավճիռները կայացվել են նրա կողմից եւ նրա անմիջական մասնակցությամբ, այդ թվում՝ մարտի 1-ի գործով քաղբանտարկյալների, նաեւ Նիկոլ Փաշինյանի եւ մյուսների դատավճիռները։ Հիմա նրա որդին իրականացնելու է Նիկոլ Փաշինյանի «սահմանադրական արդարադատությունը»՝ Հրայր Թովմասյանի եւ Ֆելիքս Թոխյանի փոխարեն», գրել է hraparak.am-ը։

«Խայտառակ ընտրություն է. Կոռուպցիայի հայր Դավիթ Ավետիսյանի փափկակենցաղ որդին չի կարող դառնալ ՍԴ դատավոր», գրել է 1in.am-ը։

Վահրամ Ավետիսյանը հանրությանը անհայտ թեկնածու է, որի թեկնածության վրա կառավարությունը թերևս կանգ է առել որպես մաքսիմում ապաքաղաքականացված թեկնածու՝ զերծ մնալով ավելորդ քննադատությունից, գրել է աղբյուրը եւ մանրամասն անդրադարձել նրա հոր գործունեությանը։

«Դավիթ Ավետիսյանը հայտնի է որպես կոռումպացված, նախկին իշխանության կամակատար դատավոր։ Ավետիսյանը հանրության հիշողության մեջ հատկապես մնացել է Մարտի 1-ի գործերով վճիռները դակելով։ Դավիթ Ավետիսյանը եղել է Վճռաբեկ դատարանի քրեական պալատի նախագահ, երբ անազատության է դատապարտվել նախկին քաղբանտարկյալ, ներկայումս Դանիայում և Շվեդիայում ՀՀ դեսպան Ալեքսանդր Արզումանյանը՝ դատապարտվելով 5 տարվա ազատազրկման։ Ավետիսյանի վճռով 5 տարվա անազատության է դատապարտվել նաև Աշոտ Մանուկյանը, 6 տարվա անազատության է դատապարտվել Արամ Բարեղամյանը, որի վերաբերյալ վերջերս Վճռաբեկ դատարանը արդարացման դատական ակտ կայացրեց։ Անազատության են դատապարտվել եղբայրներ Գագիկ ու Վարդան Ջհանգիրյանները (3 տարի), Գրիգոր Ոսկերչյանը (2 տարի), Դավիթ Մաթևոսյանը (3 տարի), Ժորա Սափեյանը (2 տարի 6 ամիս), Կարեն Թարխանյանը (4 տարի), Հարություն Ուռուտյանը (7 տարի), Հակոբ Հակոբյանը (5 տարի), Մասիս Այվազյանը (1 տարի 6 ամիս), Մկրտիչ Սափեյանը (2 տարի), Մյասնիկ Մալխասյանը (5 տարի), Հայկ Գևորգյանը (1 տարի 6 ամիս), Պետրոս Մակեյանը (3 տարի)։ Վահրամ Ավետիսյանի հոր՝ Դավիթ Ավետիսյանի թեթև ձեռքով են անփոփոխ մնացել նաև նախկին քաղբանտարկյալ, ներկայումս վարչապետ Նիկոլ Փաշինյանի, ԵԿՄ նախագահ Սասուն Միքայելյանի վերաբերյալ 7 տարվա անազատության վճիռները։

Մինչդեռ հիշեցնենք, որ այս տարվա մայիս ամսին Վճռաբեկ դատարանը արդարացրեց այդ նույն անձանց։ Մասնավորապես, Մարտի 1-ի գործով տարիներ առաջ ազատազրկված 9 քաղբանտարկյալի՝ Արմեն Ավագյան, Մասիս Այվազյան, Կարեն Թարխանյան, Դավիթ Աղայան, Վարդան Ջհանգիրյան, Արման Շահինյան, Դավիթ Մաթևոսյան, Խաչիկ Գասպարյան, Սամվել Հարությունյան, իսկ Արամ Բարեղյամյանի մասով դիմումը բավարարվել է մասնակի։ Մեղադրական դատավճիռների դեմ բողոք էր ներկայացրել ՀՀ դատախազությունը։ Մարտի 1-ի արյունալի իրադարձություններից հետո դատարանները նրանց մեղավոր էին ճանաչել տարբեր հոդվածներով՝ իշխանության ներկայացուցչի նկատմամբ ոչ վտանգավոր բռնություն գործադրել, բռնությամբ զանգվածային անկարգությունների մասնակցել, Արամ Բարեղամյանի դեպքում նաև՝ դիտավորությամբ առողջությանը ծանր վնասվածք պատճառել»։

Փաստաբան, «Իրավունքի Եվրոպա» միավորում ՀԿ նախագահ Լուսինե Հակոբյանն, ըստ կայքի, Դավիթ Ավետիսյանի որդու առաջադրումը ՍԴ դատավորի պաշտոնի համար, համարում է խայտառակություն։ Նրա խոսքով՝ դա արժեբանական հարց է, ու հետհեղափոխական Հայաստանում «կոռուպցիայի հայրերից մեկի որդին չի կարող դառնալ ՍԴ դատավոր»։

«Դավիթ Ավետիսյանը կոռուպցիայի հայրերից է, եթե չասեմ՝ թիվ մեկ հայրն է եղել։ Իսկ նրա որդին իր կյանքը կերտել է իր հոր կոռուպցիոն գործարքների հիման վրա, կարիերան կերտել այդ կոռուպցիոն գումարներով և հիմա չի կարող կանգնել ու ասել, թե կապ չունի իր հոր հետ կամ չի իմացել, թե իր հայրը ինչով է զբաղվել։ Եթե նա կանգնի ու հայտարարի դա, գուցե այլ քննարկում ունենանք, բայց վստահաբար մեկը, որը որևէ բանով Հայաստանում աչքի չի ընկել՝ բացառությամբ նրա, որ իր հայրը պատասխանատու է քաղբանտարկյալների կյանքերի խորտակման համար, հայտնի կոռուպցիոներ է, վստահաբար չի կարող լինել Սահմանադրական դատարանի դատավոր։ Բոլոր խելացի իրավաբանները գիտեն, թե Դավիթ Ավետիսյանը ով է։ Քրեական իրավունքը նախատեսում է անձնական պատասխանատվության սկզբունքը: Քրեական իրավունքում յուրաքանչյուր ոք պատասխանատու է իր սեփական գործողությունների կամ անգործության համար, բայց սա արժեքների խնդիր է, արժեբանական խնդիր է, ու նման մեկը, որը պատասխանատու է մեր պետությունում տեղի ունեցած բազում հանցագործությունների համար, իր որդու համար փափկասուն կյանք ապահովելու համար, նրա որդուն հետհեղափոխական Հայաստանում բերեն ու կարգեն ՍԴ դատավո՞ր։ Այո, որդիները պատասխանատու չեն հայրերի արարքների համար: Բայց արդյոք հայտնի կոռուպցիոների այս փափկակենցաղ որդուն իրո՞ք չկար այլընտրանք մեր պետությունում։ Ես չեմ հասկանում։ Կրկնում եմ՝ սա խայտառակ ընտրություն է»,- «Առաջին լրատվականի» հետ զրույցում ասել է Լուսինե Հակոբյանը։

Վահրամ Ավետիսյանը ԵՊՀ քաղաքացիական իրավունքի ամբիոնի վարիչն էր 2013 թվականից, բայց մեկ ամիս առաջ հրաժարական է տվել ու չի բացառվում, որ հենց այսօրվա նշանակմանը նախապատրաստվելու համար, գրել է Yerevan․Today-ը։

«Պետական կառավարման համակարգում նրա առավելագույն կատարած ծառայությունը օրենսդրական մեկ-երկու նախագծերի մշակմանը մասնակցությունն է եղել, զբաղեցրել է նաև համեստ պաշտոններ ՀՀ գլխավոր դատախազությունում՝ 1999-2002 թթ՝ ՀՀ գլխավոր դատախազության Արագածոտնի մարզի դատախազության ավագ քննիչ, 2008-2009թթ՝ գլխավոր դատախազության օտարերկրյա դատական ատյաններում պետական շահերի պաշտպանության բաժնի ավագ դատախազ, 2009թ․-ին նշանակվել է պետական շահերի պաշտպանության վարչության ավագ դատախազ:

Թեկնածուի կենսագրությունը վկայում է, որ ՍԴ դատավորի կառավարության առաջադրած թեկնածուն իրականում Սահմանադրության հետ որևէ կապ չի ունեցել, Վահրամ Ավետիսյանը քաղաքացիական իրավունքի մասնագետ է, բայց դարձել է իշխանահաճո կադր, ըստ ամենայնի՝ երկու լուրջ կապերի շնորհիվ:

Իրականում վաղուց էր եփվում այս իրավիճակին պատրաստ լինելու գաղափարը, և այս թեկնածուին ԵՊՀ-ից դեպի ՍԴ ճանապարհ հարթելու համար ախատել են լուրջ կապեր», գրել է Yerevan․Today-ը եւ ներկայացրել ուշագրավ փաստեր է թեկնածուի անձի ու անցյալի մասին:

«Բավական է մեկ ակնթարթով հետևել Կառավարության առաջադրած ՍԴ դատավորի ֆեյսբուքյան էջին՝ շատ բան պարզ կդառնա:

Բացի այն, որ Վահրամ Ավետիսյանը անկաշկանդ պարբերաբար «սրտիկել» է վարչապետ Փաշինյանի գրառումները՝ հավանաբար ցույց տալու, թե որքան շատ է այս իշխանության վարքագծին իր հավանելու դոզան, պարզվում է, ավանդաբար նաև աչքի է ընկել հեղափոխական կառավարության նախագծերը գովաբանող ներկայացուցչական գրառումներով: Վերջիններից մեկը, օրինակ՝ առանց դատական վճռի ապօրինի գույքի բռնագանձման մասին աղմկահարույց օրինագծին դրական արտահայտվելու մասին է, իսկ օրեր առաջ՝ բացօթյա տարածքներում պարտադիր դիմակ կրելու Փաշինյանի կոչն է փառաբանել՝ ու քննադատված որոշումը արդարացրել է իբր փոշոտ Երևանի աղտոտված օդով քայլելու սեփական փորձառությամբ:

Հատկանշական է, որ մեկ ամիս առաջ՝ հունիսի 22-ին, նա բավականին ուշագրավ գրառում է արել ֆեյսբուքում՝ անկախ դատական իշխանություն ունենալու պլանների մասին...

Ի դեպ, սա այն օրն է, երբ իշխանությունը հրատապ կարգով ԱԺ-ը քննարկման բերեց այսօրվա համար «ստեղծագործած» ՍԴ փոփոխությունների նոր աղմկահարույց նախագիծը, որը, ըստ էության, փոխարինելու էր եկել հանրաքվեի ճանապարհով Հրայր Թովմասյանին ու ՍԴ ևս 6 դատավորներին ազատելու իշխանության սցենարային պլանը: Իսկ այս փաստը հուշում է, որ շաղկապված գործընթացները վաղուց էին մտել եփվող պրոցեսների մեջ:

Ամենաուշագրավը, սակայն, ՍԴ դատավորի թեկնածու Վահրամ Ավետիսյանի՝ նախկին իշխանության հետ ունեցած խորը ու ամենազգայուն կապն է.

Բանն այն է, որ Կառավարության առաջադրած ՍԴ դատավորի թեկնածուն իրականում ՀՀ Վճռաբեկ դատարանի քրեական պալատի նախկին նախագահ Դավիթ Ավետիսյանի որդին է: Ընդգծենք, սա այն բարձրաստիճան պաշտոնյան է դատական համակարգում, ով ի պաշտոնե վարել է 2008-ի մարտի 1-ի գործով դատավարության գործընթացը, այլ կերպ ասած՝ ողբերգական դեպքերի բացահայտման ուղիղ պատասխանատու անձանցից մեկն է եղել, ով դեռ այն ժամանակներից է փայլուն ճանաչում մարտի 1-ի իրական կազմակերպիչներին, ու հավանաբար՝ այս առիթով էլ Նոր Հայստանում բազմաթիվ առիթներ է ունեցել շփվելու կամ համագործակցելու նրանց հետ:

Չմոռանանք, մարտի 1-ը Նիկոլ Փաշինյանի ողջ պաշտոնավարման ընթացքում միակ առանցքային թեման է, որի վրա կենտրոնացված է մի ամբողջ պետական կառավարման համակարգի ռեսուրս: Պարզ է, որ այս համագործակցությունը, տեսականորեն լրիվ հնարավոր տարբերակ է, գուցե այս կոնտակտով էլ կամուրջ են գցվել՝ ԵՊՀ-ից մինչև ՍԴ ու Դավիթ Ավետիսյանի որդուն դարձրել է ՍԴ դատավորի թեկածու:

Թե չէ ինչու՞ կամ ի՞նչ տրամաբանությամբ էր նախկիններից այդքան խորշող, նրանց «դուրսպրծուկ» համարող, մարտի 1-ի դատավարության գործով այսքան ազդեցիկ դերակատարի որդին այսօր համարվել իշխանության սրտի թեկնածու:

Կառավարությունում, իհարկե, նաև այլ կապեր են տեսնում ՍԴ թեկնածուի ու իշխանական օղակի միջև․ Yerevan.Today-ի աղբյուրը հուշում է արդարադատության նախարար Ռուստամ Բադասյանի անունը: Ասում են՝ ՊԵԿ նորանշանակ նախագահ Էդուարդ Հովհաննիսյանի նշանակումն ապահովելուց հետո, նախարարը հաջորդ ընկերոջն է մտցնում պետական կառավարման համակարգ՝ ի դեմս Վահրամ Ավետիսյանի: Մի ուշագրավ բացահայտում ևս. վարչապետ Նիկոլ Փաշինյանի օգնական Աննա Վարդապետյանը, որը Արդարադատության նախարարի տեղակալի պաշտոնում հայտնվեց հեղափոխությունից հետո ու կարճ ժամանակ պաշտոնավարելուց հետո հրաժարականով հեռացավ՝ իր հոր հետ առնչվող Գլխավոր դատախազությունում քննվող քրգործի պարճառով, պարզվում է՝ ոչ վաղ անցյալում եղել է նաև ՍԴ դատավորի թեկնածուի հոր՝ Վճռաբեկ դատարանի քրեական պալատի նախկին նախագահ Դավիթ Ավետիսյանի օգնականը: Ուստի չի բացառվում, որ ուղիղ միջնորդություններից հետո վարչապետը գոնե մեկ անգամ լսել է թեկնածուի մասին խորհրդական Աննա Վարդապետյանի դրական կարծիքը՝ չխորանալով այս կապերի մեջ», գրել է Yerevan․Today-ը։