Վեց ամսում Վրաստան է այցելել 1․3 մլն մարդ՝ 16․2 տոկոսը Հայաստանի քաղաքացիներ

Հունվար- հունիս ամիսներին Վրաստան է այցելել երեք միլիոն օտարերկրացի, ինչը 354․4 հազարով ավելին է ՝ անցած տարվա նույն ժամանակաշրջանի համեմատ (աճ 13․4 տոկոսով), հայտնում է Sputnik-Վրաստանը։

Այցելուների քանակը, որոնք Վրաստանում 24 եւ ավելին ժամ են անցկացրել, կազմել է 1․3 մլն մարդ, ինչը 295․1 հազարով ավելին է 2016-ի նույն ժամանակաշրջանի համեմատ (աճ 29․1 տոկոսով), հայտնում է Զբոսաշրջության ազգային վարչության պաշտոնական ֆեյսբուքյան էջը։

Ամենաշատ այցելուները Ադրբեջանից էին (+7.4%) , Հայաստանից (+16.2%), Թուրքիայից (-15.9%), Ռուսաստանից (+27.5%)։

ԵՄ երկրներից վերջին վեց ամիսներին ամենաշատը Վրաստան են այցելել Ավստրիայի (+54%), Նիդեռլանդների (+ 36%), Գերմանիայի (+32%), Մեծ Բրիտանիայի (+28%), Ֆրանսիայի (+23%) ու Լիտվայի (+17%) քաղաքացիները։

Շատ ավելի հաճախ են սկսել Վրաստան այցելել Իրանից (+223.4%), Ուզբեկստանից (+163%), Սաուդյան Արաբիայից (+159%), Հնդկաստանից (+133%), Իսրայելից (+48%), Չինաստանից (+41%)։

Ինչ վերաբերում է վերջին ամսին, ապա միայն հունիսին Վրաստան է այցելել 666․4 հազար օտարերկրացի, ինչեւ 147․7 հազարով ավելին է անցած տարվա նույն ժամանակաշրջանի համեմատ։

Օտարերկրյա զբոսաշրջությունից եկամուտը 2017-ի առաջին եռամսյակի տվյալներով կազմել է 434․6 մլն դոլար, ինչեւ 82 մլն դոլարով շատ է անցած տարվա նույն ժամանակաշրջանի համեմատ։

ՀՆԱ-ում զբոսաշրջության մասնաբաժինը՝ 2017-ի առաջին եռամսյակի տվյալներով կազմում է 6․8 տոկոս (աճ +0.8%)։ 2016-ին այդ ցուցանիշը կազմում էր 7․1 տոկոս (աճ+11.8%)։

 NEWS.am