ՌԴ-ն եւ Թուրքիան համաձայնեցնում են մոտեցումները, որոնք թույլ կտան հրադադար հայտարարել Լիբիայում․ Լավրով
Լիբիայի ազգային բանակը պատրաստ է համաձայնագիր ստորագրել զինադադարի հաստատման մասին, սակայն Տրիպոլին չի ցանկանում անել դա: Ռուսաստանը եւ Թուրքիան համաձայնեցնում են մոտեցումները, որոնք թույլ կտան անհապաղ հրադադար հայտարարել, հայտարարել է Ռուսաստանի արտգործնախարար Սերգեյ Լավրովը, փոխանցում է «ՌԻԱ Նովոստի»-ն։
«Այժմ Լիբիայի ազգային բանակը, մեր գնահատականներով, պատրաստ է այդպիսի փաստաթուղթ ստորագրել ռազմական գործողությունների անհապաղ դադարեցման վերաբերյալ, սակայն Տրիպոլիի կառավարությունը չի ցանկանում դա անել՝ կրկին ռազմական լուծման հույս ունենալով»,- ասել է Լավրովն Աֆրիկյան միության եռյակի (ԿԴՀ, Եգիպտոս, Հարավային Աֆրիկա) արտաքին գործերի նախարարների հետ վիդեոկոնֆերանսի ձեւաչափով բանակցություններից հետո։
Ինչպես հայտարարել է Ռուսաստանի դիվանագիտական ծառայության ղեկավարը, Ռուսաստանը եւ Թուրքիան համաձայնեցնում են այն մոտեցումները որոնք հրադադարի անհապաղ հաստատումը հնարավոր կդարձնեն: «Երկխոսության շրջանակներում, որը Ռուսաստանի եւ Թուրքիայի նախագահների կողմից հաստատվել է ամենաբարձր մակարդակով, մենք եւ մեր թուրք գործընկերները զբաղվել ենք եւ շարունակում ենք զբաղվել այն մոտեցումների համակարգման ուղղությամբ, որոնք թույլ կտան մեզ հայտարարել անհապաղ հրադադարի մասին եւ անմիջապես սկսում են լուծել բոլոր մյուս հարցերը, որոնք նշվել են Բեռլինի համաժողովում եւ որոնք վերահաստատվել են Կահիրեում կայացած հանդիպումներին»,- ասել է Լավրովը:
Լավրովի խոսքով՝ Թուրքիան աշխատում է Լիբիայի ազգային համաձայնության կառավարության հետ:
«Հուսով եմ, որ նրանք կկարողանան հասնել ներկայիս պայմաններում միակ ճիշտ լուծմանը»,- ասել է ՌԴ արտգործնախարարը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...