Ինչպե՞ս է լինում, որ երկրից դուրս են բերում մի քանի ինքնաթիռ ծխախոտ, ուզում եք ասել` կառավարությունը տեղեկացված չի եղե՞լ դրա մասին. (տեսանյութ)
Կառավարության դիմաց Հայաստանի Հանրապետական կուսակցության երիտասարդական կազմակերպության ներկայացուցիչները ֆլեշմոբ են իրականացնում՝ «Վորոնեժ և Կրասնոդար» անվանումով:
ՀՀԿ երիտասարդական կազմակերպության ղեկավար Հայկ Մամիջանյանը նշեց, որ ակցիան շարունակական է լինելու, քանի որ, ըստ նրա` Կառավարությանը թվում է, թե կարող են «ծածկադմփոց» անել իրենց կոռուպցիոն սկանդալային պատմությունները և ապօրինությունները: Սակայն իրենք այս ակցիայով հիշեցնում են, որ չի հաջողվելու այդ խնդիրները մոռացության մատնել:
«Մեզ համար կարծես սովորական է դարձել, որ բռնաբարվում է Սահմանադրությունը, բարձրագույն իշխանությունները կապված են կոռուպցիոն գործերի հետ: Մենք վերջապես պետք է հասկանանք` վարչապետ ունենք, թե «ուզուրպատոր» պոպուլիստ, ԱԺ պատգամավորներ ունենք, թե հատիկով սիգարետ վաճառողներ»,- ասաց նա:
Նրա խոսքով՝ երբ նոյեմբեր ամսին հարցում էր իրականացվել ՀՀ-ում, միայն 60 տոկոսն էր համարում, որ կոռուպցիան Հայաստանում լուրջ խնդիր է: Իսկ իշխանության կազմակերպած հարցումներով՝ 80 տոկոս քաղաքացիները համարում են, որ Հայաստանում կոռուպցիա կա. «Մենք լսել ենք քաղաքացի Միքայել Մինասյանի տարբերակը` այս ողջ գործընթացի մասին: Ռուսաստանում բացվել է քրեական գործ, բայց Հայաստանում մեր իշխանություններից ոչ մեկը դրա մասին չխոսեց»:
Հարցին, թե ոստիկանությունը այդ գործի հետ կապված տեսանյութ էր տարածել, Հայկ Մամիջանյանը նշեց. «Ոստիկանությունը ծառայում է պետությանը և այն անօրեն գործողություններին, որ ստիպում են ոստիկանությանը անել: Իսկ Նիկոլ Փաշինյանի այն գործելակերպը, որ փորձում է ծածկել իր կոռուպցիոն սկանդալները, անթույլատրելի է: Եվ մենք բացատրություն ենք պահանջում քաղաքական պաշտոնյաներից, ոչ թե ոստիկանությունից:
Դիտարկմանը, թե արդյո՞ք Կառավարության անդամները ղեկավարի մակարդակով ներգրավված են այս խնդրի մեջ, հատկապես, որ հերքում չի եղել, Հայկ Մամիջանյանը պատասխանեց, որ Հայաստանը գտնվում է խորը «լոքդաունի» մեջ, և բոլոր ուղևորափոխադրումները և բեռնափոխադրումները սահմանափակ են իրականացվում.
«Ինչպե՞ս է լինում, որ երկրից դուրս են բերում մի քանի ինքնաթիռ ծխախոտ, ուզում եք ասել` կառավարությունը տեղեկացված չի եղե՞լ դրա մասին: Ես դրան չեմ հավատում: Այդ ժամանակ յուրաքանչյուր ինքնաթիռ, որ երկրից դուրս էր գալիս, պարետատունը դրա մասին տեղեկացված էր»:
Հարցին, եթե կառավարության անդամներն են ներգրավված, ինչպես պետք է գործը բացվի: Հայկ Մամիջանյանը նշեց, որ բոլոր այն քննիչները, որոնք պատիվ ունեն ՀՀ ոստիկանության և ուժային կառույցների ուսադիրները կրելու, պետք է իմանան, որ Փաշինյանը հավերժ չէ, և նա երբևէ չի կրելու պատասխանատվություն իրենց անօրեն գործողությունների համար, ամեն մարդ իր բաժին պատասխանատվությունը կրելու է. «Դրա համար յուրաքանչյուր ոստիկան, որ կմիացնի հեռուստացույցը, թող իմանա, թե ի՞նչ պատասխան է տալու քննիչներին շատ քիչ ժամանակ հետո, երբ այս իշխանությունը գնա այնտեղ, որտեղ իր տեղն է»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը