ՀՀԿ երիտթեւը բողոքի ակցիա է անցկացնում ԵՄ գրասենյակի դիմաց. Նրանք նամակ հանձնեցին
ՀՀԿ-ի երիտասարդական կազմակերպության ներկայացուցիչները բողոքի ակցիա են իրականացնում Հայաստանում ԵՄ գրասենյակի դիմաց: Նրանք նամակ հանձնեցին ԵՄ ներկայացուցչությանը:
ՀՀԿ երիտթեւի ղեկավար Հայկ Մամիջանյանը լրագրողներին հայտնեց, որ իրենք այսօր նամակներ կհանձնեն նաեւ ԵԱՀԿ անդամ բոլոր երկրների դեսպանատներին, ՄԱԿ-ի գրասենյակին, ինչպես նաեւ ԵԽ գրասենյակին. «Նամակի բովանդակությունը հետեւյալն է. ներկայացնում է նկարագրություն իրավական տեսանկյունից այն ամենաթողության, որ տեղի է ունենում Հայաստանում ՍԴ-ի հետ եւ առհասարակ ժողովրդավարական գործընթացների տրամաբանությամբ: Սկսել ենք ԵՄ գրասենյակից, որովհետեւ տիկին դեսպանն իր կողմնակալ խոսքով, իսկ հաճախ կողմնակալ լռությամբ տպավորություն է ստեղծում, որ եվրոպական կառույցները կողմ են կամ լուռ են այս գործընթացների նկատմամբ, այնինչ թե Վենետիկի հանձնաժողովը, թե Եվրոպայի խորհուրդը, թե Եվրոպայի ժողովրդական կուսակցությունը, բոլորը արդեն արտահայտել են իրենց կարծիքը այս ամենաթողության նկատմամբ»,-ասաց նա:
Մամիջանյանը հայտարարեց, որ արտակարգ դրությունը պահպանվում է միայն մեկ նպատակով, որ նման ակցիաներ հնարավոր չլինի իրականացնել: Իսկ այսօր իրենք ակցիայի մասնակիցները դիմակներով են, հնարավորինս պահպանում են սոցիալական հեռավորություն. «Այսքան մարդու հնարավոր չէ ամեն օր բերման ենթարկել: Մենք այս ակցիաները, ընդ որում, որոշել ենք սեղմ կազմով լինել, անում ենք, որ իշխանություննոերը հասկանան, որ իրենք ամեն ինչ անել չեն կարող: Վաղ թե ուշ, թե ներքաղաքական, թե միջազգային հարթակներում մեր իշխանությունների քիթը պետք է հատակին կպնի եւ իրենք հասկանան, որ իրենք ամեն ինչ չեն կարող անել: Չեն կարող ասել, որ լրագրողներն են մեղավոր կորոնավիրուսի դեմ պայքարը ծախողելու համար, չի կարող պարոն Փաշինյանն ինչ-որ պահի որոշել, որ ինքը կաթողիկոս է դառնում: Էդպես չի լինելու»,-ասաց Մամիջանյանը:
Անդրադառնալով Հայաստանում ԵՄ դեսպանին, նա ընդգծեց. «Երբ դու տեսնում ես, որ ինչ-որ վատ բան է արվում ու ոչինչ չես անում, դու նույնքան հանցակից ես: Մեր պայքարի ձեւն էլ դեռ սա է»:
Ինչ վերաբերում է նամակի բովանդակությանը, Մամիջանյանն ասաց, որ ներկայացրել ենք իրավական եւ քաղաքական տեսանկյուններից Հայաստանում տեղի ունեցող գործընթացների հակաժողովրդավարական եւ հակասահմանադրական բովանդակությունը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը