Գնում ենք կանոնների խստացման. Փաշինյան
Մինչ վերջին օրերին մենք ավելի շատ ուշադրություն ենք դրաձնում մի քանի աղմկահարույց քրեական գործերին, քաղաքական իրադարձություններին, եւ ԱԺ-ում տեղի ունեցող պրոցեսներին, կորոնավիրուսի համաճարակի իմաստով, ցավոք սրտի, նոր հակառեկորդներ ենք սահմանում: Այս մասին, այսօր՝ հունիսի 26-ին, պարետատան նիստից հետո կայացած ճեպազրույցի ժամանակ նշեց ՀՀ վարչապետ Նիկոլ Փաշինյանը:
Նա, մասնավորապես, նշեց. «Հայաստանը այսօր մեկ մլն բնակչին ընկնող վարակվածների թվով եւ ամենօրյա վարակակիրների թվով առաջատար տեղ է զբաղեցնում աշախրհում: Սա մեծ պրոբլեմ է բոլորիս համար, բայց կա մեկ ավելի կամ կարեւոր պրոբլեմ, որից բխում է այս երկրորդ պրոբլեմը՝ այս վիճակը գիտակցումը եւ տրամադրությունը Հայաստանում չկա, որովհետեւ Այս պայմաններում մեր երկրում պետք է լիներ մի իրավիճակ, որտեղ ամբողջ բնակչությունը ամենօրյա ռեժիմով պայքարում է համավարակի դեմ:
Բայց ցավոք սրտի մենք այդպիսի իրավիճակ չունենք: Ընդհակառակը, շարունակվում է ապատեղեկատվության տարածումը կորոնավիրուսի վերաբերյալ: Շատ դեպքերում կյանքը շարունակում է իր բնականոն հունով ընթանալ, ինչին մենք իհարկե, դեմ չենք, բայց կարծում ենք, որ հակահամաճարակային կանոնները պետք է խստիվ պահպանվեն:
Մենք եկել ենք եզրահանգման, որ առաջիկայում պետք է գնանք հակահամաճարակային կանոնների խստացման: Քանի դեռ մենք այս թվերի փոփոխություն չունենք, մենք պետք է գնանք խստացման: Ընդ որում այդ խստացումների փաթեթը կարող է ամենատարբեր ուղղությունները ունենալ: Ես կարող եմ արձանագրել, որ մեր մոտ կանոնների խախտման դեպքերը առավել ցայտուն արտահայտություններ են ստանում: Գիտեք երեւի, որ ունենք արդեն քրեական գործ հակահամաճարակային կանոնի խախտման առիթով, երբ դրական ախտորոշմամբ քաղաքացին որոշել է տաքսի վարել: Քրեական գործ է հարուցվել այդ փաստի կապակցությամբ:
Մենք նաեւ արձանագրել ենք, որ վարչական իրավախախտումների ընթացակարգերով մոտենում է այն ժամկետը, երբ կանոնները խախտելու համար արձանագրված տուգանքները պետք է սկսեն նաեւ բռնագանձվեն: Մենք օրենսդրական փոփոխություններ ենք մտածում մտցնել, որ տուգանքի նշանակումից մինչեւ գանձելու պահը առավել կարճ ժամանակահատված կտեւի:
Այս միջոցների գնում ենք ոչ թե մարդկանց տուգանելու համար: Մեր խնդիրը չէ տուգանելը, ուղղակի ուզում ենք ասել, որ յուրաքանչյուրն ունի չտուգանվելու շանս:
Մեզնից շատերը դիմակ կրելը ընկալում են որպես չվարակվելու միջոց, բայց դիմակները ավելի շատ պաշտպանում են մեր դիմացիններին»:
Վթարային ջրանջատում Երևանի Էրեբունի վարչական շրջանում
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում
Ավտոմեքենան Աղավնավանք բնակավայրի կամրջից ընկել է գետը