Դա մեկ մարդու հանձնարարությամբ կարող է լինել, որը Նիկոլ Փաշինյանն է. Դավիթ Խաժակյան
Այսօր ես իմացա, որ երկու տարբեր, իրար հետ կապ չունեցող քրեական գործերով որպես վկա պետք է հարցաքննություն տամ, և այսօր ավագանու նիստի մեկնարկին ինձ քրեական վարչության ներկայացուցիչը հանձնեց ծանուցագիրը։ Այս մասին այսօր` հունիսի 24-ին լրագրողների հետ զրույցում ասաց Երևանի ավագանու «Լույս» խմբակցության պատգամավոր Դավիթ Խաժակյանը` Ոստիկանության 6-րդ վարչություն հարցաքննության մտնելուց առաջ։
«Գործը վերաբերում է «Լույս» խմբակցությանը օրենքով ամրակցված մեքենային, որը, բնականաբար, ունի վարորդ, որն իրականացնում է մեքենայի սպասարկումըմ և վարորդին վաղ առավոտյան տնից դուրս են տարել, բերել են քրեական վարչություն, հետագայում նաև իր կնոջն են այնտեղ հրավիրել և հարցերի բնույթը և գուցե նաև այն արդյունքը, որը կակնկալեին ոստիկանության ներկայացուցիչները այն էր, որ ստացվեր, թե ինքը ֆիկտիվ գրանցված վարորդ է, իսկ ո՞վ է փողը ստանում, ի՞նչ է անում, իմ վերաբերյալ են սկսել հարցեր տալ և այլն:
Ինչ վերաբերում է այս մի քրեական գործին, երբ իմացա պարզապես ծիծաղս եկավ, որովհետև իր՝ որպես աշխատակից առնչությունները, փաստաթղթավորվում են յուրաքանչյուր ամիս, ինքը գնում ներկայանում է, փաստաթղթեր է ստորագրում և այլն, ուստի իր գործառույթների կատարման մասով պարզապես ծիծաղելի է այն, ինչը որ իրենք անում են»,– ասաց Խաժակյանը։
Խաժակյանի խոսքով՝ ինքն այս հարցով բացարձակ մտահոգություն չունի, քանի որ մտածում էր, որ բանը նունիսկ գործի հարուցմանը չի հասնի, քանի որ հիմք չկա։
« Պարզվեց, որ գործը հարուցված է, ներգրավվյալներ կան, բերել հարցաքննել են, ընդ որում՝ հետաքրքրական է, թե ինչու ինձ ծանուցագիր տվեցին, բայց վարորդին առանց որևէ մեկին տեղեկացնելու վաղ առավոտյան եկան տնից բերեցին այստեղ, իր կնոջը բերեցին»,- ասաց Խաժակյանը:
Նրա խոսքով՝ հաշվի առնելով, թե ինչ գործի մասին է խոսքը և ինչ են փորձում իրեն մեղսագրել, հասկանում է, որ այս իշխանությունները շատ լուրջ խնդրի առաջ են կանգնած։
«Ընդդիմադիր ավագանու անդամին, ով ի դեպ նաև Եվրոպայի խորհրդի տեղական և տարածքային իշխանությունների կոնգրեսի անդամ է, Հայաստանից պատվիրակ, վարորդին տարել են և ասում են՝ ի՞նչ հաճախականությամբ ես գնում աշխատանքի, ո՞վ է վարում, և պարզվում է, որ ինձ ամիսներ շարունակ իմ մեքենայի մեջ, վարելուց նկարահանել են, որքան հասկանում եմ նաև ձայնագրել են խոսակցությունները և այլն, և հիմա ինչ–որ բան են բռնել և ուզում են դրանով որոշակի ճնշում գործադրել։
Ուզում եմ տեղեկացնել, որ վարորդը քաղաքական որևէ առնչություն չունի «Լուսավոր Հայաստան» կուսակցության հետ, նա անում է իր աշխատանքը, և այդ մասով ճնշումները ուղղված են դեպի մեզ»,– ասաց նա։
Խաժակյանի խոսքով՝ մեղադրանք դեռևս չկա առաջադրված, վարորդն ու ինքը դեռ որպես վկա են հարցաքննվում։
«Ժողովուրդ ջան տրամաբանություն չկա, երբ իշխանությունն ուզում է քաղաքական ճնշումներ գործադրել, և հիմա էլ դա անում է ավագանու ընդդիմադիր անդամի նկատմամբ, և ես համոզված եմ, որ դա մեկ մարդու հանձնարարությամբ կարող է լինել, որը Նիկոլ Փաշինյանն է, ով երևում է շատ է նեղվել հատկապես վերջին դեպքից հետո, երբ իր քավորի և քավորի եղբոր մասնակցությամբ միջադեպերից հետո պարզվեց, որ կա որոշակի քրեական հանցակազմ իրենց ազգականի կատարած գործառույթներում, և հիմա եկել են, ասում են՝ գիտես ինչ, մենք քեզ ամիսներ շարունակ հետևել ենք, և այ այստեղ դու ոնց որ ինչ–որ բան այնպես չես արել։
Ես ուզում եմ հասկանալ իշխանությունն՝ այդ ինչքան է անհանգստացած իր վիճակով, որ այսպիսի բաների է դիմում»,– ասաց Խաժակյանը։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին