«Լուսավոր Հայաստան» խմբակցությունն ու նրա ղեկավար Էդմոն Մարուքյանն ազդարարեցին իրենց քաղաքական ուժի վերջի սկիզբը». Արթուր Վանեցյան

«Լուսավոր Հայաստան» խմբակցությունն ու նրա ղեկավար Էդմոն Մարուքյանն ազդարարեցին իրենց քաղաքական ուժի վերջի սկիզբը»,- «Փաստինֆո»-ի հետ զրույցում հայտարարել է «Հայրենիք» կուսակցության նախագահ Արթուր Վանեցյանը։

Հիշեցնենք, որ Լուսավոր Հայաստան կուսակցության նախագահն այսօր հայտարարել է, որ չեն միանալու իշխանության նախաձեռնած Սահմանադրական փոփոխությունների սահմանադրականության հարցով ՍԴ դիմելու ԲՀԿ-ի ստորագրահավաքին, թեեւ նշել էր, որ առանց ՍԴ եզրակացության Սահմանադրության մեջ փոփոխություններ կատարելը հակասահմանադրական է։

«Փաստինֆո»-ի այն դիտարկմանը, որ, ըստ մամուլի հրապարակումների, ԼՀԿ-ն գործարքի է գնացել իշխանությունների հետ՝ Արթուր Վանեցյանն արձագանքելով նշել է, որ ինքը միշտապես խոսում է փաստերով, բայց, քանի որ այս պահին չունի փաստեր, կարող է միայն ենթադրել և վերլուծություններ անել բաց աղբյուրներից իրեն հասած տեղեկություններից, «Չեմ կարող հստակ գնահատական տալ՝ «Լուսավոր Հայաստան» խմբակցության նման դիրքորոշումը վախի՞, թե ինչ – որ այլ պայմանավորվածությունների արդյունք է։ Հստակ է մի բան, որ այս քայլով «Լուսավոր Հայաստան» խմբակցությունն ու նրա ղեկավար Էդմոն Մարուքյանն ազդարարեցին իրենց քաղաքական ուժի վերջի սկիզբը»,- նշել է նա։

Ա.Վանեցյանը նաեւ հայտարարել է, որ նման զարգացումներից հետո Ազգային Ժողովում «Լուսավոր Հայաստան» խմբակցությունն իր համար վերանում է լինել որպես ընդդիմադիր ուժ։ «Իմ գնահատմամաբ այսօր ԱԺ-ում գործում է մեկ ընդդիմադիր ուժ և դա «Բարգավաճ Հայաստան» խմբակցությունն է»,- հայտարարել է Արթուր Վանեցյանն ու ավելացրել. «Լուսավոր Հայաստան» կուսակցությունն իր վերջին քայլերով ապացուցեց, որ ոչ թե ընդդիմադիր խմբակցություն է, այլ՝ պետության սահմանադրական կարգը տապալած և իշխանությունն ուզումպացրած անձի կցորդ»։