Հայաստանում մեկ սուբյեկտ կա, որի միջոցով են ձգձգվում այս դատական նիստերը. Հովհաննես Խուդոյանը՝ ՀՔԾ կողմից ներկայացվող թերի մեղադրանքների մասին (տեսանյութ)

Հայաստանի Հանրապետությունում մի սուբյեկտ կա, որի միջոցով այս դատական նիստերը ձգձգվում է՝ Հատուկ քննչակական ծառայությունն է, որն այս հիմար մեղադրանքն ուղարկել է դատարան. լրագրողների հետ զրույցում նշեց ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանը:

Նրա խոսքով՝ քրեական գործում այնքան թերություններ կան, որ քննարկում-քննարկում ենք բայց դեռ տասը տոկոսն էլ չենք սպառել:

Հովհաննես Խուդոյանը նշեց, որ դատավորից որևէ ակնկալիք չունեն, քանի որ դատավորից հասնում է միայն արդարադատություն իրականացնելը. «Մենք էլ մրցակցում ենք դատական նիստերի դահլիճում դատախազության հետ: Գործի իրավական թերությունները հիմա ենք քննարկում, փաստական թերություներ կքննարկեն այն ժամանակ, եթե անցնենք դատաքննության: Միշտ ասել եմ՝ գործի նյութերը նախաքննությունն ավարտելուց հետո գաղտնիությամբ չեն պահպանվում, որևէ անձ, որ մտածում է, այդ գործի նյութերում կա ինչ-որ բան, որ կարող է մտահոգի՝ կարող է հանգիստ դրանք հարապարակել»։

Խուդոյանը նաև նշեց, որ այդ հրապարակումներին հետևելու են այդ նյութերի վերաբերյալ ամբողջական տեղեկատվությունը, քանի որ, հրապարակումները կատարվում են կոնտեքստից կտրված։