Թերուսների հավաքածուն, որոնք իրենց պարտքն են համարում կատարել Փաշինյանի քաղաքական քմահաճույքները
Այստեղ շատ զազրելի պրոցես կա, երբ քաղաքակիրթ աշխարհն ուղղակի լռում է սրանց ապօրինությունների վրա, չեմ հասկանում` ի՞նչ միջազգային շահեր են բախվում Նիկոլ Փաշինյանի շուրջ։ Այս մասին այսօր` հունիսի 23-ին լրագրողների հետ հանդիպանն ասաց «Այլընտրանք» Հ/Կ համանախագահ Նարեկ Մանթաշյանը` անդրադառնալով Սահմանադրության փոփոխություններին։
«Որևէ երկրում նման բանի համար համաշխարհային ամբողջ հանրությունը սանկցիաներ կիրառեր»,- ասել է նա:
Հ/Կ նախագահի խոսքով` այլ երկրներում հնարավոր չէ նման ընթացակարգով օրենք ընդունել` արհամարհելով մնացածի կարծիքն ու իրավունքը այդ օրենքի վերաբերյալ։
«Ամեն ինչ այնքան աբսուրդի ժանրից է դարձել, որ գեթ մեկ մարդ չգտնվեց, որը մտածեր իրավական պետության հիմնասյուների մասին:
Շատ բաներ, որոնք իրենցից ոչ մեծ կարևորություն են ներկայացնում, դրանց քննարկումը տևում է ամիսներ, իսկ Հայաստանի Հանրապետության Սահմանադրությունը 88 հոգով կարող են նստել-որոշել, որ այսօր մեզ էսպես հարմար չի, այլ էնպես է հարմա՞ր:
Թերուսների հավաքածուն, ովքեր իրավական նորմալ կրթություն չունեն, նորմալ անցյալ չունեն, ոչ էլ, կարելի է ասել, նորմալ ապագա կունենան, քանի որ իշխանափոխության հաջորդ օրվանից լրագրողները նույնիսկ իրենց տեղը չեն հիշելու: Դրանք բոլորը մեկ մարդու դեմքով եկել են իշխանության և այսօր իրենց հոգու պարտքն են համարում Նիկոլ Փաշինյանի քաղաքական քմահաճույքները կատարել»,- ասում է Նարեկ Մանթաշյանը:
Մանթաշյանի խոսքով` եթե սոցհարցում անցկացնեն, կտեսնեն, որ համաքաղաքացիներից գրեթե ոչ ոք դեմքով կամ անուն ազգանունով չի ճանաչի Ալվինա Գյուլումյանին, Ֆելիքս Թոխյանին, կամ Հրանտ Նազարյանին:
Նրա խոսքով` նման հանրային պահանջ գոյություն չունի, և սա հերթական սուտն էր իշխանությունների կողմից:
«Այս ամենի համատեսքստում ինձ համար շատ մեծ հարցական ու հետաքրքրասիրություն է Էդմոն Մարուքյանի և նրանց քաղաքական ուժի պահվածքը, քանի որ, երբ քեզ հայտարարում ես ընդդիմություն ու քթիդ տակ ոտնահարվում է Սահմանադրությունը, քանի որ այս պահին Հայաստանում խախտված է Սահմանադրական կարգը, և ընդդիմության երկրորդ ուժը` ի դեմս Էդմոն Մարուքյանի և «Լուսավոր Հայաստանի», վերականգնման համար որևէ գործուն քայլ չի անում: Սա նշանակում է, որ Էդմոն Մարուքյանը դադարում է հանրության համար լինել ընդդիմադիր խոսքի ներկայացուցիչը Ազգային ժողովում, սրանով նրա հետագա քաղաքական կարիերան ևս վտանգված է»,- ասում է ՀԿ նախագահը:
Հայկական ֆուտբոլում հասունանում է իրավական նոր սկանդալ
Մոսկվան ենթարկվել է վերջին երկու տարվա մեջ ամենախոշոր հարվածին
Վաղարշապատի համայնքային ոստիկանները երթուղայինի վարորդին և կարգավարին հայտնաբերել և ներկայացրել են ն...
Սևանա լճի մակարդակը 50 սմ-ով բարձր է տարեսկզբի ցուցանիշից
Մ-20 ԱԱ. Յուրիկ Պետրոսյանը՝ հունահռոմեական ոճի ըմբշամարտի աշխարհի առաջնության արծաթե մեդալակիր
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Արարատի մարզում չրերի արտադրամասի գործունեություն է կասեցվել
Թրամփը դեռ չի որոշել, թե ո՛ւմ է աջակցելու Իսրայելի առաջիկա ընտրություններում
Մենք թույլ չենք տա մեզ վախեցնել. Գերմանիայի ԱԳՆ
Դավիթ Խուդաթյանը դիտարկել է Գյումրիում իրականացվող մի շարք ենթակառուցվածքային ծրագրերի ընթացքը