Վրաստանը ադրբեջանցի լրագրողներին ու ակտիվիստներին փախստականի կարգավիճակ չի տրամադրում «անվտանգության նկատառումներով»
2016-ից սկսած Վրաստանի կառավարությունը հրաժարվում է ադրբեջանցի ակտիվիստներին ու լրագրողներին փախստականի կարգավիճակ ու կեցության թույլատվություն տրամադրել։ Այս մասին ասվում է Ադրբեջանից փախած լրագրողների, քաղաքացիական ու քաղաքական ակտիվիստների (8 մարդ) գործերի առաջնային վերլուծության հիման վրա՝ Դասավանդման ու իրավունքների մշտադիտարկման կենտրոնի հաշվետվության մեջ, փոխանցում է «Վրաստան օնլայնը»։
Նշում են, որ այդ ժամանակաշրջանը համընկնում է ակտիվիստների նկատմամբ Ադրբեջանի կառավարության առանց այդ էլ ռեպրեսիվ քաղաքականության խստացման հետ։ Վրաստանի համապատասխան գերատեսչությունները Ադրբեջանում հետապնդվող լրագրողներին ու ակտիվիստներին փախստականի կարգավիճակ չտրամադրելը բացատրում են երկրի ազգային անվտանգության շահերով, որը «գրեթե անհնար է ստուգել՝ անվտանգության ծառայությունների համապատասխան եզրակացության գաղտնիության պատճառով»։
Զեկույցում ներկայացված գործերում նաեւ ակնհայտ են Վրաստանի տարածքոմ գտնվող ադրբեջանցի լրագրողների ու ակտիվիստների նկատմամբ (լրագրողներ Գյուլնուր Կազիմովայի, Լեյլա Մուստաֆաեւայի, Աֆղան Մուխթարլիի ու ակտիվիստ Վիդադ Իսգանդարովի) հետապնդման փաստերը, որը նրանց խոսքով իրականացնում են ադրբեջանական իշխանությունների հետ կապեր ունեցող մարդիկ։
Վրաստանի իրավապահ մարմինները ցուցադրաբար արդյունավետ արձագանք չեն ապահովում տվյալ միջադեպերին, այդ թվում առայսօր արդյունավետ չեն հետաքննվել հետապնդման ու ֆիզիկական հաշվեհարդարի դեպքերը։ Առանձին դեպքերում կասկածներ են առաջանում՝ Վրաստանի ու Ադրբեջանի իրավապահ կառույցների միջեւ համագործակցության մասին, ինչը ամենացայտունը դրսեւորվել է Աֆղան Մուխթարլիի բռնի անհետացման ու Ջամալու Ալիի մուտքի արգելման գործերում։
Հաշվի առնելով այս ամենը՝ կարեւոր է, որ Վրաստանի կառավարությունը գիտակցի գործընթացների կրիտիկական նշանակությունը ու Ադրբեջանում հետապնդվող լրագրողների ու ակտիվիստների համար ապահովի պայմաններ Վրաստանում օրինական բնակություն հաստատելու ու անվտանգ գործունեություն ծավալելու համար։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը