Եթե ես կատարեի ինձ իջեցված քաղաքական պատվերները, ապա մինչեւ օրս կշարունակեի զբաղեցնել ԱԱԾ տնօրենի պաշտոնը. Վանեցյան (տեսանյութ)
Եթե ինձ իջեցվեր քաղաքական պատվեր եւ ես պատրաստ լինեի կատարել այդ քաղաքական պատվերը, ապա մինչեւ օրս կշարունակեի զբաղեցնել ԱԱԾ տնօրենի պաշտոնը եւ կանեի այդ քաղաքական պատվերները։ Այս մասին այսօր՝ հունիսի 17-ին, Երեւանի ընդհանուր իրավասության դատարանի՝ Շենգավիթի նստավայրի բակում լրագրողների հետ զրույցում ասաց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։
Հարցին՝ արդյոք ինքը չունի՞ մտահոգություն, որ իր նկատմամբ նույնպես կարող է քրեական գործ հարուցվել , Վանեցյանը պատասխանեց. «Վերջին շրջանում Հայաստանի Հանրապետությունում իրականացվող ապօրինի եւ քաղաքական նկատակ ունեցող հետապնդումները՝ կարող են հիմք տալ, որ մենք մտածենք՝ հնարավոր է եւ իմ նկատմամբ իրականացվի որեւէ գործողություն։ Առիթ ունեցել եմ ասելու, որ օրինական ճանապարհով ինձ զրկել ազատությունից ուղղակի հնարավոր չի, որովհետեւ ես որեւէ բան ապօրինի չեմ արել»։
Լրագրողը նշեց, որ երբ ինքը զբաղեցնում էր ԱԱԾ տնօրենի պաշտոնը, այդ ընթացքում ԲՀԿ առաջնորդի համակիրներից Սեդրակ Առուստամյանի հետ կապված քրեական գործ կար, եւ հարցին՝ ինչո՞ւ այդ ժամանակ դա քաղաքական հետապնդում չէր դիտարկվում, Վանեցյանն ասաց. «Սեդրակ Առուստամյանը քաղաքական գործիչ չէ եւ նրա նկատմամբ իրականացվող քրեական հետապնդումն անգամ ԲՀԿ անդամների կողմից չի որակվել որպես քաղաքական։ Նույնը վերաբերում է նաեւ Էդուարդ Բաբայանին»։
Արթուր Վանեցյանը նշեց, որ Սեդրակ Առուստամյանի վերաբերյալ քրեական գործի մանրամասներին ինքը ծանոթ չէ եւ չի կարող դրա վերաբերյալ գնահատական տալ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին