Թուրքիան դասվել է անազատ ինտերնետ ունեցող երկրների շարքին

Միջազգային իրավապաշտպան «Freedom House» կազմակերպության կազմած զեկույցի համաձայն՝ Թուրքիան ինտերնետի ազատության առումով հետըընթաց է ապրում:

Թուրքական ընդդիմադիր «T24» լրատվակայքի տեղեկացմամբ՝ կազմակերպության կողմից հրապարակված ծավալուն զեկույցում բազմակողմանիորեն քննարկվել է ողջ աշխարհում ինտերնետի ազատության հարցը:
Ինտերնետի ազատության վիճակը գնահատվել է 100 բալանոց սանդղակով: Ըստ այդմ, Թուրքիան ստացել է 61 միավոր: Այսպիսով, նախորդ տարվա զեկույցի համեմատ այս երկիրը 3 միավոր է կորցրել:

2015թ. Թուրքիան ինտերնետի ազատության տեսսակետից դասվել էր «մասամբ ազատ» երկրների շարքում, իսկ 2016. արդեն ներառվել է «անազատ» երկրների խմբում: Այս խմբում են ընդգրկվել նաև Եգիպտոսը, Գամբիան, Մյանմարը, Իրանը, Չինաստանը:
Աղբյուր` Ermenihaber.am