Սուրբ Սոֆիայի տաճարում հուլիսի 15-ին հնարավոր է տեղի ունենա առաջին նամազը
Թուրքիայի նախագահ Ռեջեփ Թայիփ Էրդողանը հայտարարել է, որ երկրում իշխող «Արդարություն և զարգացում» կուսակցության պատվերով անցկացված հարցման արդյունքների համաձայն՝ Թուրքիայի բնակչության մեծ մասը կողմ է Սուրբ Սոֆիայի տաճարը մզկիթի վերածելու գաղափարին: Այս մասին գրում է haberler.com կայքը:
Հարցման արդյունքների համաձայն` երկրում իշխող «Արդարություն և զարգացում» և նրա դաշնակից «Ազգայնական շարժում» կուսակցությունների ընտրազանգվածի 90%-ը կողմ է տաճարը մզկիթի վերածելուն, մեկ այլ ազգայնական «Լավ» կուսակցության ընտրազանգվածից գաղափարին կողմ է արտահայտվել 70%-ը, իսկ երկրի գլխավոր ընդդիմադիր Ժողովրդահանրապետական կուսակցության ընտրազանգվածից կողմ է արտահայտվել 40%-ը:
Դեմ արտահայտվածներն իրենց կարծիքը հիմնավորել են տաճարը մզկիթի վերածելու հետևանքով միջազգային հարաբերություններում առկա ռիսկերով և Եվրամիության հնարավոր բացասական արձագանքով:
Իշխող կուսակցության ներկայացուցիչները հայտարարել են, որ Սուրբ Սոֆիայում առաջին նամազը կարող է տեղի ունենալ հուլիսի 15-ին, նույն օրը ծրագրվում է տաճարին մզկիթի կարգավիճակ տալ:
Ինչպես ավելի վաղ տեղեկացրել էր Tert.am-ը, Թուրքիայի նախագահ Ռեջեփ Թայիփ Էրդողանն օգնականներին հանձնարարել է Սուրբ Սոֆիայի տաճարը թանգարանից մզկիթի կարգավիճակի վերափոխելու մասին բազմակողմանի ուսումնասիրություն կատարել:
Սուրբ Սոֆիայի տաճարը բյուզանդական ճարտարապետության հուշակոթող է: Այն կառուցվել է 532-537 թվականներին ՝ Հուստինիանոս կայսեր կողմից, որը որոշել էր այս տաճարով հավերժացնել Կոստանդնուպոլսի փառքը:
1453-ին Բյուզանդական կայսրության անկումից հետո տաճարը վերածվել է մզկիթի: 1935-ին, Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը դարձել է թանգարան, կառույցի պատերը մաքրվել են որմնանկարներից և խճանկարներից: 1985-ին տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...