Փաշինյանի պետականակործան քարոզչությունը դիվերսիա է ընդդեմ մեր անկախության․ Սամվել Ֆարմանյան
Քաղաքական, հասարակական գործիչ Սամվել Ֆարմանյանն իր ֆեյսբուքյան էջում գրառում է արել՝ անդրադառնալով վարչապետ Նիկոլ Փաշինյանի այսօրվա ուղիղ եթերում հնչած դիտարկումներին, մասնավորապես՝ համավարակի պայմաններում իշխանության կոչերին ենթարկվել-չենթարկվելու պատմական-հոգեբանական ասպեկտներին։
Հիշեցնենք, որ Փաշինյանը մասնավորապես նշել է․ «Պետք է արձանագրեմ, որ մենք ավելի քան 500 տարի պետականություն չենք ունեցել, և պետական կարգը մեզ համար միշտ եղել է օտար, ուրիշի կողմից պարտադրված երևույթ, և հետևաբար պետական կարգը մեր ենթագիտակցության մեջ ասոցացվել է բռնության հետ, այդպես եղել է նաև Երրորդ Հանրապետության ժամանակ․․․ պետական կարգը միշտ մեր ենթագիտակցության մեջ հակոտնյա է եղել մեր ազատությանը, հիմա այս ճգնաժամային իրավիճակում պետական կարգը ասոցացվում է որպես մեզ ազատությունից զրկելու հերթական փորձ»։
Վերոնշյալին ի պատասխան Սամվել Ֆարմանյանը գրել է․
«Ո՛չ մի կորոնավիրուս, ո՛չ մի պատերազմ ու անգամ ո՛չ մի բնական աղետ չի կարող այնքան կործանարար լինել մեզ համար, որքան այն, ինչ անթաքույց ու հետևողականորեն արվում է այսօր. հայ ժողովրդի գիտակցության մեջ մեխել այն փնթի, կեղծ ու մակերեսային դիլետանտիզմը, թե մենք անկարգապահ, սեփական պետությունը չհարգող, օտարի լծից մինչև վերջ հոգեբանորեն չձերբազատված, պատմության մեջ սեփական կարգը երբեք չստեղծած ժողովուրդ ենք: Նիկոլ Փաշինյանի առավոտյան եթերն այդ մասին էր:
Չգերազանցված ողբերգություն է տեսնել, թե ինչպես է աշխարհի հնագույն քաղաքակրթություններից մեկն առաջնորդելու կոչված վարչապետը, լավ չճանաչելով սեփական իսկ ժողովրդին, անտեղյակ լինելով նրա իսկ պատմությունը, թշնամական նման քարոզչությամբ անվստահություն սերմանում մեր սեփական ուժերի, մեր ժողովրդի հավաքական որակների հանդեպ: Հլը կողք ու բոլորը նայե՜ք: Հլը ժամանակի հեռվից նայե՜ք: Քո թշնամին սեփական պատմություն իսկ չունեցող իր ժողովրդին փառաբանում` ամպերին է հասցնում, մինչդեռ Նիկոլ Փաշինյանը առավոտից իրիկուն սեփական ժողովրդին է փնովում ու կասկածի տակ դնում նրա հավաքական որակները: Ու այս ամենը ամեն րոպե հնարավոր պատերազմից հինգ պակաս..
Չսխալվե՛ք. Նիկոլի պետականակործան այս քարոզչությունը միայն երկրում ստեղծված աղետալի իրավիճակի պատասպանատվությունն իր ու կառավարության ուսերից գցելու համար չէ: Սա դիվերսիա է: Խորքային իմաստով դիվերսիա ընդդեմ մեր անկախության, ընդդեմ սեփական պետականությունն ունենալուն արժանի լինելու մեր հավատի ու կամքի:
Քաղաքականության, իշխանության, պայքարի ու ամեն ինչի հերն էլ անիծած: Սա, ախր, լրի՜վ ուրիշ հարց է: Չի կարելի կեղծ ու դիլետանտ նման քարոզչությամբ սեփական ժողովրդի ողնաշարը ջարդել: Ու՜ր են մեր վաստակաշատ ազգաբաններն ու պատմաբանները, ու՜ր են սոցիալական հոգեբանության ու այլ ոլորտների մասնագետները: Ինչու՞ չի լսվում նրանց մասնագիտական ձայնը, նրանց սթափեցնող խոսքը, նրանց գիտական խիղճը: Բա էլ ովքե՞ր կարող են այս համատարած աղմուկի մեջ լայն թափ հավաքող քարոզչական այս ազգակործան դիվերսիայի դեմն առնել, եթե ոչ հենց իրենք»
Հ.Գ. Եթե խնդրանքս դիտվի անձնական, թող, որ լինի այդպես: Նիկո՛լ, այլևս երբեք մի խոսիր մեր պատմության ու մեր ժողովրդի հոգեկերտվածքի մասին: Դու ոչ մեր ժողովրդին ես ճանաչում, ոչ էլ նրա պատմությունը գիտես»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...