ՀՀ արտաքին քաղաքականության եվրոպական ուղղության հերթական ամոթալի տապալումը․ ԵԽ պատվիրակները հակահայկական հայտարարություն են ընդունել
Վերլուծաբան Կարեն Բեքարյանը ֆեյսբուքյան իր էջում տեղեկացրել է, որ Եվրոպայի խորհրդարանի ԵՄ-Հայաստան գործընկերության, ԵՄ-Ադրբեջան համագործակցության և ԵՄ-Վրաստան ասոցացման խորհրդարանական հանձնաժողովներում եվրոպական պատվիրակության ղեկավար Մարինա Կալյուռանդին, Հայաստանի հարցով Եվրախորհրդարանի զեկուցող Տրայան Բեսեսկուն և Ադրբեջանի հարցով Եվրախորհրդարանի զեկուցող Ժելենա Զովկոն հունիսի 10-ին համատեղ հայտարարությունն են ընդունել «Հայաստանի և ԼՂ միջև նոր ճանապարհի կառուցման վերաբերյալ»:
Կարեն Բեքարյանի գրառումն ամբողջությամբ ներկայացնում ենք ստորև․
«ՀՀ արտաքին քաղաքականության եվրոպական ուղղության և խորհրդարանական դիվանագիտության հերթական և ամոթալի տապալումն արձանագրվեց երեկ՝ Եվրոպական խորհրդարանի ԵՄ-Հայաստան, ԵՄ-Վրաստան, ԵՄ-Ադրբեջան խորհրդարանական համագործակցության հանձնաժողովի եվրոպական պատվիրակության ղեկավարի, Հայաստանի և Ադրբեջանի հարցերով Եվրոպական խորհրդարանի զեկուցողների համատեղ հայտարարությամբ (կցվող նյութում՝ հայտարարության ոչ պաշտոնական թարգմանությունն է, իսկ փաստաթղթի բնօրինակի հղումը՝ «մեկնաբանությունններ» դաշտում):
Հայտարարության վերջին պարբերությունն այս տեսքն ունի.
«… Մենք վերահաստատում ենք մեր հաստատակամ աջակցությունը ԵԱՀԿ ՄԽ համանախագահների ջանքերին և 2009թ նրանց հիմնարար սկզբունքներին: Որպեսզի այս միջնորդությունը հաջողությամբ պսակվի, մենք կոչ ենք անում Հայաստանի և Ադրբեջանի իշխանություններին լավագույն նպատակներով կյանքի կոչել իրենց պարտավորությունները՝ բանակցել հասնելու հակամարտության խաղաղ կարգավորմանը՝ Ադրբեջանի միջազգայնորեն ճանաչված սահմանների ներքո»:
Շատ ծանր տպավորություն է փաստաթղթից, և առաջացող հարցերի տարափ, որոնց հիմնական մասը չգիտես էլ ու՞մ հասցեագրել:
Մեծ ցավով, հերթական անգամ ԱՐՁԱՆԱԳՐԵՆՔ. Հայաստանն այսօր չունի արտաքին քաղաքականության պատասխանատուներ:
Նշենք նաև, որ երկրում համապատասխան պաշտոնյաների չգոյությունը, որևէ կերպ չի կարող պատասխանատվությունից ազատել նշված հայտարարությունը ստորագրած Եվրոպական խորհրդարանի ներկայացուցիչներին: Նման պահվածքով նրանք իրենց մեծագույն նպաստն են բերում Ադրբեջանի լկտիացմանն ու ստեղծում ամենաթողության զգացողություն Ալիևի մոտ՝ դրանից բխող բոլոր հետևանքներով...
Իսկ իրական մոտիվացիան այս խայտառակ հայտարարությունը ստորագրողների՝ իհարկե գաղտնի չի մնա: Ժամանակի հարց է...»։
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Ընթանում է Գարեգին Բ-ի և 6 եպիսկոպոսի գործով դատական նիստը
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
ՀՀ ԱԱԾ սահմանապահ զորքերում տեղի ունեցավ նորակոչիկ զինծառայողների երդման արարողություն
ԱԺ դահլիճում չարժի աստվածաբանական վեճեր ծավալել․ Ռուբինյան