Ռոբերտ Քոչարյանի գրքի գովազդն արգելելու մասին դատական նիստը հետաձգվեց
ՀՀ վարչական դատարանում, դատավոր Արթուր Ծատուրյանի նախագահությամբ այսօր՝ հունիսի 8-ին, ՀՀ երկրորդ նախագահ Ռոբերտ Քոչարյանի «Կյանք եւ ազատություն» գրքի գովազդումը չթույլատրելու դեմ բողոքի վերաբերյալ դատական նիստը հետաձգվեց, քանի որ դատավորի աշխատակազմում կորոնավիրուսի հաստատված դեպք կա։ Այս մասին լրագրողների հետ զրույցում ասաց հայցվոր կողմի ներկայացուցիչ Ալեքսանդր Կոչուբաեւը։
«Խոսել եմ Վարչական դատարանի աշխատակազմի ղեկավարի հետ, ով փոխանցեց, որ դատավոր Ծատուրյանի աշխատակազմում կորոնավիրուսի հաստատված դեպք կա. դատարանն ու իր աշխատակազմը մեկուսացած են։ Առողջություն ենք մաղթում նրանց, սակայն այս ուղղությամբ մենք որոշակի ստուգողական գործողություններ կանենք, քանի որ մենք շատ ապօրինություններ տեսանք այս գործընթացում։ Չեմ բացառում, որ կորոնավիրուսը այս դատական նիստի հետաձգման նոր մեխանիզմն է»,- ասաց ներկայացուցիչը։
Կոչուբաեւը նշեց, որ այսօրվա դատական նիստին կավարտվեր նախնական դատական նիստը, կբաշխվեր ապացույցների բեռը. «Մենք կմտնեինք դատաքննություն, որտեղ մնալու էր մեկ ֆորմալ գործողություն. ցույց տալ գործող կարգավորումները, ըստ որոնց, քաղաքապետարանը եւ Երեւանի 2 վարչական շրջանի ղեկավարները գործել են ոչ իրավաչափ եւ անհիմն պատճառաբանություններով մերժել են գովազդի թույլտվության տրամադրումը։ Այստեղ ունենք անբարեխիղճ իրավիճակներ. հայցադիմում էինք ներկայացրել Գովազդի վարչության դեմ, սակայն պատասխանողները գտնում են, որ պետք է պատասխանի քաղաքապետարանը, մենք ասում ենք՝ Գովազդի վարչությունը նրա ստորաբաժանումներից մեկն է եւ մեզ համար չկա տարբերություն։ Այսպիսի ֆորմալ հիմքերով ձգձգում են, քանի որ այդ գրքի գովազդն ուղիղ հարված է որոշ շրջանակի հեղինակությանը։ Ամեն գնով այս ամենը պետք է արվի, որպեսզի դատական գործով անցանկալի ելք չլինի»։
Հիշեցնենք, որ «Կոնտրա լեգեմ» փաստաբանական բյուրո էր դիմել Սփեյս Մենեջմենթ ՍՊԸ-ն, որը հանդիսանում է Ռոբերտ Քոչարյանի հեղինակած «Կյանք եւ ազատություն» ինքնակենսագրական գրքի իրավատերը եւ հայտնել, որ Երեւանի քաղաքապետարանը հրաժարվում է գովազդի թույլտվություն տրամադրել։ Փաստաբան Ալեքսանդր Կոչուբաեւը եւս դիմելով քաղաքապետարան եւ ստանալով մերժում՝ դիմել է վարչական դատարան։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը