1 մլն մարդու հաշվով մահերի թվով այսօր գերազանցեցինք աշխարհի միջին թիվը. Անդրանիկ Թևանյան
Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը ֆեյսբուքյան գրառում է արել՝ անդրադառնալով կորոնավիրուսի՝ այսօր հաստատված դեպքերին ու գրանցված մահերին:
Նա հիշեցրել է, որ կորոնավիրուսից այսօր 20 մարդ է մահացել, իսկ առողջապահության նախարարությունը տարանջատում է այդ մահերը՝ նշելով, որ 19–ը կորոնավիրուսից է մահացել, իսկ մեկը՝ վարակակիր է եղել, բայց այլ պատճառով է մահացել։
«Սա իրականում թվային մանիպուլյացիա է։ Քանզի Առողջապահության համաշխարհային կազմակերպության մեթոդաբանությամբ՝ եթե նույնիսկ կասկած կա կորոնավիրուսի, ապա պետք է մահերը գրանցել մեկ միասնական ցուցակով։ Իսկ դա նշանակում է, որ կորոնավիրուսի պատճառով Հայաստանում մահացել է ոչ թե 158, այլ 214 մարդ։
Բայց նույնիսկ եթե հիմք ընդունենք ՀՀ առողջապահության նախարարության ներկայացրած մահվան թվերը՝ 158, ապա մենք շատ սարսափելի ու ողբերգական պատկեր ունենք աշխարհի մակարդակով։ Էլ չասած հարևանների համեմատ»,-գրել է նա։
Ըստ https://www.worldometers.info/coronavirus/–ի՝ աշխարհում կորոնավիրուսի հետևանքով միջինը 1 միլիոն մարդուց մահանում է 48,4 մարդ։
«Այսօր մենք գերազանցեցինք աշխարհի միջին թիվը։ Մեզ մոտ 1 միլիոն մարդու հաշվարկով մահացել է 53 հոգի։ Համեմատության համար ասեմ, որ Վրաստանում այդ թիվը 3 է, Ադրբեջանում՝ 7։
Հասկանալի է, որ կորոնավիրուսը չէր շրջանցելու Հայաստանը։ Հասկանալի է նաև, որ ունենալու էինք մահեր։ Բայց վարակվածների ու մահերի այս ողբերգական քանակի ուղղակի պատասխանատուն իշխանությունն է՝ Փաշինյանի գլխավորությամբ։
Սա կառավարության անգրագետ քաղաքականության ու հանցավոր անգործության հետևանք է։ Սա շատ լուրջ հետաքննության ու գնահատականի է արժանանալու։ Այդ թվում՝ իրավական»,-գրել է նա։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս