Ֆրանսիան պատրաստակամություն է հայտնել վճռականորեն աշխատել ղարաբաղյան հակամարտության կարգավորման համար. Մակրոնի ուղերձը Ալիեւին

Ֆրանսիայի նախագահ Էմանուել Մակրոնը հայտարարել է ղարաբաղյան հակամարտության արդար կարգավորման համար վճռականորեն աշխատելու պատրաստակամության մասին:

«Թույլ տվեք Ֆրանսիայի անունից՝ որպես Մինսկի խմբի համանախագահ, աջակցություն հայտնել ՄԱԿ-ի Գլխավոր քարտուղարի կոչին վերջ տալ «պատերազմի համաճարակին»: Այս առումով դուք կարող եք հույս դնել Ֆրանսիայի ստանձնած՝ ղարաբաղյան հիմնահարցի արդար եւ կայուն կարգավորման բանակցությունների միջոցով վճռականորեն եւ անաչառորեն աշխատելու պարտավորության վրա»,- նշվում է երկրի ազգային տոնի՝ Հանրապետության օրվա կապակցությամբ Ֆրանսիայի առաջնորդի՝ Ադրբեջանի նախագահ Իլհամ Ալիեւին ուղղված ուղերձում, հայտնում է «ԱզետՏԱջ»-ը: