Սպասում է իմքայլականների պատասխանին
«ԱրմՆյուզ» հեռուստաընկերության « #ՕրաԽնդիր» հարցազրուցային հաղորդաշարի հեղինակ և վարող Դավիթ Սարգսյանը ֆեյսբուքյան իր էջում գրել է․
«ՀՀ ԱԺ «Իմ քայլը» խմբակցության հարգելի՛ անդամներ,
մինչև վերջերս ինձ հաջողվում էր շաբաթը ձեզնից գոնե մեկին հյուրընկալել հաղորդմանս, հաճախ՝ տևական ջանքերի գնով: Որպես կանոն՝ ստանում էի 10-15 մերժում, մինչև իշխանական պատգամավորներից մեկը համաձայնում էր գալ եթերի:
Վերջին մի քանի շաբաթվա ընթացքում իմ ջանքերն անպտուղ են. թեև շարունակում եմ դիմել կառավարող խմբակցության տասնյակ պատգամավորների, կա՛մ տարբեր կենցաղային պատրվակներով մերժում եմ ստանում, կա՛մ էլ արհեստածին պատճառներով չի հաջողվում կապվել նրանց հետ:
Բնավ չեմ ուզում ենթադրել, որ կա քաղաքական պայմանավորվածություն՝ հարցազրույցի չգալու առհասարակ, այնպես որ՝ ստիպված, այլ ելք չունենալով, հրավերս վերահաստատում եմ այստեղ՝ հրապարակայնորեն:
Խմբակցության 88 անդամներից յուրաքանչյուրին պատրաստ եմ ընդունելու ուղիղ եթերում և զրուցելու 40 րոպե շարունակ, ինչպես նախկինում՝ խմբակցության տասնյակ անդամների հետ:
Օրախնդիր հարցերը շատ են, դրանց հասցեատերն իշխանությունն է, ու ցավալի է, որ այդ հարցերին ուղիղ եթերում պատասխանելու պատրաստ խորհրդարանականներ չեն գտնվում:
Սպասում եմ իմքայլական պատգամավորների արձագանքին այս գրառման մեկնաբանություններում կամ որևէ այլ կերպ, մանավանդ որ շատերիդ հետ անձնապես ծանոթ և ֆեյսբուքյան ընկեր ենք...»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս