Կոռուպցիոն աննախադեպ փաստեր՝ գնումների գործընթացում (տեսանյութ)
Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան ուղիղ եթերում պատմել է տեղի ունեցող չարաշահումների մասին։
« «Գնումների մասին» ՀՀ օրենսդրության համաձայն ցանկացած կապիտալ շինարարություն պահանջում է առանձին տեխնիկական հսկողություն մեկ այլ մասնավոր կազմակերպության կողմից, այսինքն հայտարարվում է 2 մրցույթ՝ բուն շինարարական աշխատանքների համար և դրանց տեխնիկական հսկողության համար։ Այն, ինչ տեղի է ունեցել անցնող շաբաթների ընթացքում դժվար է անգամ երևակայել»,-ասել է Խաժակյանը։
Նա պատմել է, որ 2019թ-ի հոկտեմբեր ամսին Կառավարությունն իր որոշումներից մեկում փոփոխություն է կատարել, որը փաստի առաջ է կանգնեցրել շատ շինարարների ու տեխհսկողություն իրականացնող կազմակերպությունների։
«Պետությունն այս որոշմամբ կազմակերպություններից մրցույթներին մասնակցելու համար պահանջում է չափազանց մեծ բանկային երաշխիք, այնքան մեծ, որ շատ ընկերություններ որոշում են այդ պայմաններով այլևս մրցույթների չմասնակցել։ 2020թ-ի հունվարի 9-ին պետական գրանցում է ստանում «Էտալոն գրուպ» ՓԲԸ-ն և երկրով մեկ դիմում շինարարական աշխատանքների, տեխնիկական հսկողություն իրականացնելու մրցույթներին ու հիմնականում նվազագույն արժեք տալով հաղթում»,-ասել է Խաժակյանը։
«Լույս» խմբակցության ղեկավարի խոսքով, այս ընկերությունը Երևանի քաղաքապետարանի կողմից ասֆալտապատման աշխատանքների հսկողության մրցույթին է մասնակցել ու, լինելով միակ մասնակիցը, ստացել է շուրջ 35 մլն դրամ արժողությամբ պայմանագիր։
«Կառավարության համապատասխան որոշմամբ կազմակերպությունը ներկայացնում է նաև բանկային երաշխիք, որն անհրաժեշտ է ունենալ մրցույթը շահելիս, սակայն պարզվում է, որ նորաստեղծ «Էտալոն գրուպի» ներկայացրած բանկային երաշխիքը կեղծ է, ասել է թե մրցույթին ներկայացված փաստաթուղթը ոչ թե թողարկվել է բանկի կողմից, այլ կեղծվել է։ Օրեր առաջ քաղաքապետարանը լուծարում է այդ կազմակերպության հետ կնքված պայմանագիրը և այս մասին չի տեղեկացնում մարդկանց»,-պատմել է Խաժակյանը։
Նա ընդգծել է, որ քաղաքապետարանի կողմից մեկ այլ մրցույթի էլ մասնակցել է «Ռաշն վոյաժ» ՍՊԸ-ն, որը նույնպես ստեղծել է հետհեղափոխկան ժամանակաշրջանում, և այս կազմակերպությունը նույնպես կեղծ բանկային երաշխիք է ներկայացրել։
«Հարց է առաջանում՝ փոխկապակցված են արդյոք այս ընկերությունները։ Համաձայն պետական ռեգիստրի պաշտոնական տվյալների է «Ռաշն վոյաժ» ՍՊԸ-ի տնօրեն է հանդիսանում Վահագն Ղալումյանը, որը ՀՀ վարչապետ Նիկոլ Փաշինյանի քավորն է, Իջևանի քաղաքապետի ժամանակավոր պաշտոնակատարն է»,-ասել է Երևանի ավագանու «Լույս» խմբակցության ղեկավարը։
Մանրամասները՝ տեսանյութում։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...