Թուրքիան նախատեսում է հունիսի կեսից օտարերկրյա զբոսաշրջիկներ ընդունել
Թուրքիան նախատեսում է հունիսի կեսից օտարերկրյա զբոսաշրջիկներ ընդունել, առաջին հյուրերը սպասվում են Չինաստանից, Հարավային Կորեայից եւ ասիական այլ երկրներից, հայտարարել է հանրապետության մշակույթի եւ զբոսաշրջության նախարար Մեհմեթ Նուրի Էրսոյը, հայտնում է «ՌԻԱ Նովոստի»-ն:
«Հունիսի կեսից, մենք կարծում ենք, որ որոշ երկրներից միջազգային զբոսաշրջությունը կվերսկսվի: Կարծես թե դա կլինի Չինաստանը, Հարավային Կորեան եւ այս տարածաշրջանի այլ երկրներ: Միաժամանակ, կարծում եմ, որ կսկսվեն կանոնավոր միջազգային թռիչքներ աշխարհի շատ կետեր»,- NTV հեռուստաալիքի եթերում ասել է Էրսոյը:
Նա նշել է, որ երկրում ներքին զբոսաշրջությունը կարող է վերսկսվել մայիսի 28-ին՝ մահմեդականների համար Ռամադանի սուրբ ամսվա ավարտին: «Ներքին չվերթները կարող են վերսկսվել մայիսի վերջին, եթե հասարակությունը ուշադիր հետեւի սանիտարական անվտանգության միջոցառումներին, եւ եթե կորոնավիրուսի տարածման վերաբերյալ տվյալները շարունակեն նվազել: Մենք չենք փակել հյուրանոցները, նրանք ստիպված են եղել փակվել այն պատճառով, որ ավիափոխադրումները դադարեցվել են, եւ համավարակի հետ կապված այլ սահմանափակումներ են մտցվել»,- ասել է նախարարը:
Նա նշել է, որ թուրքական իշխանությունները մշակել են հյուրանոցների արտոնագրման մանրամասն ծրագիր` սանիտարահիգիենիկ անվտանգության առումով: «Սա առաջին նման փորձն է աշխարհում, եւ մեզնից հետո ԵՄ երկրները որոշել են նույն աշխատանքն իրականացնել իրենց մոտ»,- հավելել է Էրսոյը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...