«Իմ քայլը» Ազգային ժողովը վերածեց «քուչի բազառի». Պոնչն ու Կյաժը էս կանեն, եթե Ֆստյուշն ու Ճուտն էլ անեն (Տեսանյութ)
«Իմ քայլը» խմբակցության պատգամավորներ Արտակ Մանուկյանը և Վահե Ղալումյանը պատրաստ են իրենց մանդատները վայր դնել՝ պայմանով, որ միաժամանակ մանդատները վայր են դնում «Լուսավոր Հայաստան»-ից Հրանտ Այվազյանը և Սարգիս Ալեքսանյանը։ Այս մասին այսօր՝ մայիսի 11-ին, ԱԺ-ում հայտարարեց «Իմ քայլը» խմբակցության ղեկավար Լիլիթ Մակունցը։
««Լուսավոր Հայաստան» խմբակցությունը զոհ չէ, եւ այն, ի դեմս իր ղեկավար Էդմոն Մարուքյանի, կոնֆլիկտի կողմ է, կոնֆլիկտը հրահրող կողմ է։ Վերահաստատելով, որ կոնֆլիկտն ունի երկու կողմ, գտնում ենք, որ այս ամենը հարթելու համար, թույլ չտալու համար, որ նման բաներ կրկնվեն, պետք է քաղքական հետեւանք ունենա այս ամենը։ Սասուն Միքայելյանն ասաց, որ ինքը պատրաստ է մանդատը վայր դնել, եթե միաժամանակ մանդատը վայր է դնում նաև Էդմոն Մարուքյանը, ավելին, իրենց մադնատները պատրաստ են վայր դնել նաև Արտակ Մանուկյանը և Վահե Ղալումյանը՝ պայմանով, որ միաժամանակ մանդատները վայր են դնում «Լուսավոր Հայաստան»-ից Հրանտ Այվազյանը և Սարգիս Ալեքսանյանը: Սա է մեր դիրքորոշումը, սա է արդարարությունը և սա է քաղաքական հետևանքը, որը պետք է տեղի ունենա»,- ասաց Լիլիթ Մակունցը։
Լիլիթ Մակունցի խոսքով՝ թեեւ Էդմոն Մարուքյանը հայտարարում է, որ բռնությանը դեմ է, բայց նրա գործողությունները հակառակն են ցույց տալիս, ինչի ապացույցն այն է, որ թեեւ միջադեպի ժամանակ Սասուն Միքայելյանին մյուս պատգամավորները պահել էին, տեսնելով, որ ինքնապաշտպանվելու կարիք չունի, Էդմոն Մարուքյանը, այնուամենայնից, հարձակվել է եւ ոտքով հարվածել է Սասուն Միքայելյանի։
«Եթե ինքը իսկապես դեմ է բռնությանը, ինչպես կարող էր։ Դրան էլ հետեւում է թե «Իմ քայլը» խմբակցության, թե մյուս խմբակցությունների կողմից միջադեպին միջամտություն»,- ասաց Մակունցը։
Միակունցը միաժամանակ անդրադարձավ Էդմոն Մարուքյանի կողմից նախկինում ԱԺ-ում հնչեցրած արտահայտություններին տարբեր պատգամավորների հասցեին։
«Ո՞վ էր այն պատգամավորը, որը 2019թ․ հունվարի 16-ին երդմնակալության արարողությունից երկու օր անց կոնֆլիկտ հրահրեց «Բարգավաճ Հայաստան» խմբակցության հետ՝ Էդմոն Մարուքյանը։ Ես ուզում եմ ձեզ հարցնել՝ ո՞վ էր այն պատգամավորը, որը մոտ 2 շաբաթ առաջ այստեղ կանգնած Ազգային ժողովի պատգամավոր Գեւորգ Պապոյանին անընդհատ, պարբերաբար ընդհանտում էր եւ ի վերջո հնչեցրեց սպառնալիք՝ «ձայնդ կտրիր, թե չէ քթիցդ արյուն է գալու»՝ Էդմոն Մարուքյանը։ Ո՞վ էր այն պատգամավորը, որը Ռուբեն Ռուբինյանի՝ վարման կարգով ելույթ ժամանակ, երբ պատգամավորն իր տեղից ելույթ է ունենում, եւ այն այնտեղից պատգամավորն իջնում է այստեղ դեպի աստիճանների մոտ, խանգարում Ռուբեն Ռուբինյանին՝ փորձելով չթողնել նրան խոսել եւ հրահրել կոնֆլիկտ՝ Էդմոն Մարուքյանը»,- ասաց Մակունցը՝ նշելով, որ մի անգամ էլ Մարուքյանը Սուրեն Գրիգորյանին է դիմել՝ «ո՞վ ես դու, արա» ոճով, մեկ ուրիշ անգամ էլ՝ վերջերս, սեռական բնույթի հայհոյանք հնչեցրել Ալեն Սիմոնյանի հասցեին։
Ելույթը Մակունցը եզրափակեց՝ նշելով, որ կարծում է, որ շատ կարճ ժամանահատվածում ԼՀԿ-ն պետք է արձագանքով հանդես գա և հայտնի իր դիրքորոշումը:
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հօգուտ Դիլիջան համայնքի կբռնագանձվի 2 միլիոն 970 հազար դրամ
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
ՀԾԿՀ-ում քննարկվել է էլեկտրաէներգիայի բաշխման ցանցին միացման վճարների նվազեցման հնարավորությունը
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Սևանա լճի հողամասերում ապամոնտաժվել է 86 շենք-շինություն, այդ թվում՝ Սեյրան Օհանյանի առանձնատան պարի...
Իրանական կամպանիայի ամերիկյան ծախսերը կարող է հասնել 31 մլրդ դոլարի
Սուրբ Աննա եկեղեցու միջադեպով կալանավորված երիտասարդին հիվանդանոց են տեղափոխել
«Արտեմիս II» տիեզերագնացները Լուսնի ձգողականության ազդեցության գոտի են հասել