Չի լինելու այնպես, որ ինչ-որ ուժեր մեզ վախեցնեն, մենք գնանք բանակցային սեղանի շուրջ նստենք ու ձեռներներս դողա. Փաշինյան (տեսանյութ)
Ինձ զարմացրեց, որ դուք ասում եք՝ սա ԲՀԿ դիրքորոշումն է. իսկ հայության շրջանում կա որեւէ մեկը, որ այլ դիրքորոշում ունի՞: Այս մասին, այսօր՝ մայիսի 6-ին, ԱԺ-ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը՝ անդրադառնալով ԲՀԿ խմբակցության քարտուղար Արման Աբովյանի այն հայտարարությանը, թե ԲՀԿ-ի պաշտոնական դիրքորոշումն այն է, որ Արցախի բանակցությունների հիմքը պետք է լինի Արցախի դե ֆակտո կարգավիճակի դե յուրե լեգիտիմիզացիան:
«Մենք հենց խոսում ենք Արցախի ինքնորոշման իրավունքի միջազգային ճանաչման մասին: Հայության շրջանում կա՞ մի մարդ, որ այլ դիրքորոշում ունի: Ես ուզում եմ յդ մարդու անուն, ազգանունն իմանալ: Այստեղ խնդիրը հետեւյալն է. ոչ մի կառավարություն Ղարաբաղի հարցում իր դիրքորոշման մասին այնքան բան չի ասել, որքան մեր կառավարությունը: Կիլոմետրերով բազմիցս դիրքորոշումներ ենք արտահայտել: Կներեք, եթե որեւէ մեկը փորձում է կասկածի տակ դնել մեր դիրքորոշումը, ես դա համարում եմ մանիպուլյացիա: Որովհետեւ մեբնք մեր դիրքորոշումը ձեւակերպելիս այնքան բուֆերներ ու հակահշիռներ ենք դրել, որ ընդհանրապես սենց քննարկում պետք է տեղի չունենար ՀՀ-ում:
Այո, ձեր ասածը ճիշտ է. դա ձեր դիրքորոշումը չի, դա մեր բոլորի դիրքորոշումն է»,-ասաց Փաշինյանը:
Նա նաեւ ընդգծեց. «Չի լինելու այնպես, որ ինչ-որ ուժեր մեզ վախեցնեն, որ մենք գնանք բանակցային սեղանի շուրջ նստենք ու ձեռներներս դողա, որ վայ, հանկարծ, սխալ չփռշտանք, որ դա չդառնա պատմություն: Մենք ունենք մեր ժողովրդի լիազորությունը՝ բանակցել այդ հարցի շուրջ: Մենք այդ լիազորությունն օգտագործելու ենք բոլոր հնարավոր դիվանագիտական հմտությունները բանակցային սեղանի շուրջ: Թող ոչ ոք մեզ չասի՝ էդ ինչ եք բանակցում, ինչ պետք է, դա էլ բանակցում ենք: Մեզնից պատասխան կարող է պահանջել ՀՀ ժողովուրդը:
Երբ կհամարենք, որ այդ բանակցության արդյունքում մենք ունենք մի բանաձեւ, որ կարող ենք ներկայացնել Անվտանգության խորհրդին, Ազգային ժողովին, ժողովրդին, մենք կգանք ու կներկայացնենք:
Ղարաբաղի հարցում կա մի շատ կարեւոր բանաձեւ. Քանի դեռ ամեն ինչ որոշված չի, ուրեմն ոչ մի բան որոշված չի: բանակցությունների գնալուց չենք վախենալու ոչ ներսիններից, ոչ դրսիններից»:
Դիտարկմանը, որ Ադրբեջանը տրամադրված չի հարցի կարգավորման, Փաշինյանն ասաց. «Եթե դա ճիշտ է, ուրեմն չի կարգավորվի հարցը: Դրա համար ենք մենք ասում, որ պետք է լինի այնպիսի լուծում, որն ընդունելի է Հայաստանի, Արցախի եւ Ադրբեջանի ժողովուրդների համար: Եթե հեշտ լիներ հարցի լուծխումը, մինչեւ հիմա 100 անգամ լուծված կլիներ: Ես օրինակ, Ադրբեջանի նախագահի հետ շփումներից զգում եմ, որ ինքը տրամադրված է եւ ուզում է հարցի լուծման: Մենք էլ ենք կառուցողական տրամադրված, իրենք էլ, Ռուսդաստանն էլ է ուզում, ԱՄՆ-ն էլ, Ֆրանսիան: Կարեւորը նրբությունների մեջ է: Բայց եթե պարզվի, որ Ադրբեջանը չի ուզում հարցը լուծվի, չի լուծվի»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը