Վրաստանում ուղեւորատար ավտոմեքենաների տեղաշարժի արգելքը երկարաձգել են մինչեւ ապրիլի 26-ը
Վրաստանում կորոնավիրուսի համավարակի զսպման շրջանակներում ուղեւորատար ավտոմեքենաների տեղաշարժի արգելքը երկարաձգել են մինչեւ ապրիլի 26-ը ներառյալ։ Բացի այդ, երկրում արտակարգ իրավիճակը կերկարաձգվի մինչեւ մայիսի 22-ը, հայտնում է «Նովոստի-Գրուզիա»-ն։
Երկուշաբթի օրվանից կսկսվի սահմանափակումների մեղմացման գործընթացը, այդ թվում նաեւ ավտոմեքենաների տեղաշարժի հետ կապված։ Այս մասին հատուկ ճեպազրույցում այսօր հայտարարել է վարչապետի խորհրդական Իրակլի Չիկովանին։
Համակարգող միջգերատեսչական խորհրդի որոշմամբ ավտոմեքենաներով տեղաշարժը Վրաստանում արգելվել է ապրիլի 17-ից մինչեւ ապրիլի 21-ը։ Այսօր Չիկովանին հայտնել է այդ արգելքի երկարաձգման մասին։
Նա հիշեցրել է, որ արգելքի ընթացքում ավտոմեքենաներով տեղաշարժը թույլատրված է բուժաշխատողներին, գործող օբյեկտների աշխատակիցներին եւ առանձին դեպքում այլ քաղաքացիների, որոնք կարող են դիմել հատուկ թույլտվության համար։
Պաշտոնյան նաեւ նշել է, որ արտակարգ դրության ռեժիմի գործողությունը կերկարաձգվի մինչեւ մայիսի 22-ը։
Ապրիլի 21-ի դրությամբ Վրաստանում կորոնավիրուսով վարակվածների թիվը 408 է, մահացել է 4 պացիենտ, ապաքինվել է 95-ը։ Հիվանդանոցներում բժիշկների վերահսկողության տակ է 571 մարդ, որոնցից 313-ի մոտ կորոնավիրուսը հաստատվել է։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...