Իշխանությունն անգիր գիտի՝ վերջին հավաքարարից մինչեւ առաջին բիզնեսմեն, ով ինչքան փող ունի բանկերում. Մարուքյան
Տարիներով լոբբինգ ենք արել, որ ժողովոիրդ ջան բանկերին վստահեք, փողը դրեք բանկեր, մեր դրամը, մեկ էլ տեսնում ենք բարձրագույն իշխանությունն անգիր գիտի՝ վերջին հավաքարարից մինչեւ առաջին բիզնեսմեն, ով ինչքան փող ունի բանկերում։ Այս մասին այսօր՝ ապրիլի 16–ին, ԱԺ հերթական քառօրյայի ժամանակ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով «Բանկային գաղտնիքի մասին» օրինագծին։
«Ապրում ենք մի ժամանակաշրջան, երբ մեր գործող իշխանությունը, քաղաքական թիմը, ցուցաբերում է զրոյական հարգանք մարդու անձնական տիրույթի հետ կապված։ Խոսքը գնում է բվանկային գաղտնիքի մասին, որն ինձ համար մարդու անձնական ֆինանսական տիրույթի հարց է։ Նախկին իշխանությունները ապօրինի ձեւով իմանում էին ով բանկում ինչքան փող ունի կամ ինչ արժեթուղթ ունի, այսօրվա իշխանությունը չի ուզում ապօրինություն անել, ընդունում է օրենքներ, այն ինչ պետք է ապօրինի աներ, որ օրենքով անի»,– ասաց Մարուքյանը։
Պատգամավորը հարց ուղղեց Կենտրոնական բանկի նախագահի թեկնածու Մարտին Գալստյանին, թե ինչ կարող է անել, որպեսզի քաղաքացիների բանկային գաղտնիքի իրավունքը լինի պաշտպանված։
«Ֆիլտրները, որ դրված են՝ ժամանակին այնտեղ պետք է լինեիր կասկածյալ կամ մեղադրյալ, հիմա այդ ֆիլտրը հանվել է բայց դրա փոխարեն կա, որ գլխավոր դատախազը կամ տեղակալը, պետք է միջնորդություն ներկայացնի դատարան, ունենա դատարանի վճիռ, նոր կարողանա այդ գործերի շրջանակներում գնա ինչ որ բանկային գաղտնիքի հետեւից ու պետք է ապացուցի, որ դա վերջին ատյանի գործողություն է, ուրիշ ոչ մի ձեւով ինքը չի կարող այդ գործն առաջ տանի, հանգել է մի կետի, որ անկյունաքարայինը բանկային գաղտնիքն է, դատախազը պետք է դատավորից համաձայնություն ստանա, նոր գնա այդ գաղտնիքի հետեւից»,– պատասխանեց Գալստյանը։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս