«Ի՞նչ է նշանակում, դու ով ես», «դա է նշանակում». ԱԺ բանավեճի հետևանքով Արարատ Միրզոյանը Էդմոն Մարուքյանին նախազգուշացում հայտարարեց (տեսանյութ)

Ազգային ժողովը «Ձերբալակված և կալանավորված անձանց պահելու մասին» ՀՀ օրենքում լրացումներ կատարելու օրենքի նախագիծը երկրորդ ընթերցմամբ և ամբողջությամբ չընդունեց:

«Իմ քայլը» խմբակցությունից Վլադիմիր Վարդանյանը նշեց, որ նախագիծը բավականին երկար քննարկվել է պետաիրավական մշտական հանձնաժողովի նիստին, «Լուսավոր Հայաստանը» չի ընդունել կառավարության կողմից առաջարկները և հանձնաժողովը տվել է երկրորդ ընթերցման համար բացասական երզակացություն: Նա առաջարկեց դեմ քվեարկել նախագիծին: Այսպիսով նախագծին կողմ քվեարկեց 34 պատգամավոր, դեմ 79:

«Իմ քայլը» խմբակցությունից Սուրեն Գրիգորյանը դիմեց ԼՀԿ գործընկերներին՝ ասելով. «Եթե այնուամենայնիվ ֆրակցիայի ձեր ղեկավարի ելույթը, որում օգտագործվեց հայտարարությունը…»․ նա խոսքը չկարողացավ ավարտել, քանի որ «Լուսավոր Հայաստան» խմբակցության ղեկավար Էդմոն Մարուքյանը դահլիճից արձագանքեց և բանավեճին միջամտեց ԱԺ նախագահ Արարատ Միրզոյանը:

«Որքան էլ նյարդերը լարված լինեն, պետք է հարգալից խոսել իրար հետ, ինչ է նշանակում, դու ով ես»,-ասաց ԱԺ նախագահը և ի պատասխան Էդմոն Մարուքյանը հնչեցրեց․ «դա է նշանակում»:

«Ոնց կարա դա նշանակի»,-շարունակեց Արարատ Միրզոյանը և ավելացրեց, որ ԱԺ կանոնակարգ սահմանադրական օրենքի հոդված 52-ի համապատախսան կետի համաձայն Էդմոն Մարուքյանին հայտարարվում է նախազգուշացում՝ պատգամավորների հետ անհարգալից խոսելու համար:

Սուրեն Գրիգորյանը շարունակեց՝ առաջարկելով հանդես գալ առաջարկությամբ և նախագիծը վերադարձնել առաջարկների փուլ ու ընդունել կառավարության առաջարկը:

Վարման կարգով հանդես եկավ Էդմոն Մարուքյանը և նշեց. «Պարոն Միրզոյան, որ երեկ ամբիոնից նույն պատգամավորն ասում էր մանիպուլյատոր, նախազգուշացում չէիք կիրառում, որովհետև ձեր ֆրակցիայ՞ից էր»: Նախագծի վերաբերյալ նա նշեց, որ իրենք առաջարկություն չունեն, թող նախագիծը չանցնի և իրենք փորձելու են անարգել հանդիպել կալանավորվածներին և ձերբալկալվածներին: «Վաղն էլ որ դուք խնդիրներ ունենանք, ձեզ էլ կփորձենք անարգել այցելել»,-ասաց նա:

Նշենք, որ ձերբակալածների և կալանավորվածների պահման վայրեր պատգամավորները իրավունք ունենք մուտք ու ելք կատարել, բայց օրենքի նախաձեռնող ԼՀԿ-ն մտահոգություն ունի, որ սրանով սահմանափակված են օրենսդրական կարգավորումները, և ունենում ենք այնպիսի վիճակներ, երբ պատգամավորը կարողանում է մուտք գործել, սակայն թույլ չի տրվում շփվել կալանավորի հետ:

Այս նախագծով բերում են թույլտվություն առ այն, որ նման հիմնարկների ղեկավարները իրավունք չունեն արգելք սահմանել պատգամավորների, ԱԺ նախագահի համար, ովքեր կարող են տեսակցել ձերբակալվածներին և կալանավորներիներին: