Հազարավոր քաղաքացիներ են մեզ զանգահարում, մարդիկ չգիտեն ինչպես դիմել աջակցության ծրագրերին, քանի որ դրանք գրված են բարդ, ընկալելի չեն. Անի Սամսոնյան (տեսանյութ)
Այսօր Ազգային ժողովում հայտարարությունների ժամին «Լուսավոր հայաստան» խմբակցության պատգամավոր Անի Սամսոնյանը նշեց, որ իրենց դիմում են այն քաղաքացիները, ովքեր չեն կարողանում օգտվել սոցիալական աջակցության ծրագերից:
«Այս օրերին մեզ զանգահարում են հարյուր հազարավոր քաղաքացիներ, հատուկ շեշտում եմ հարյուր հազարավոր քաղաքացիներ, հատուկ նախկին համեստ ընդդիմադիր, բայց հիմա պաշտոն ստացած չինովնիկների համար, ովքեր կարծում են, որ մեզ չեն կարող զանգել քաղաքացիներ»,- ասաց նա:
Անի Սամսոնյանն ասաց, որ առաջին խնդիրն այն է, որ զարմացած են, որ չկան ուղեցույց տեսահոլովակներ, որոնք մարդկանց կբացատրեն, թե ինչպես դիմել ծրագրերին, քանի որ այդ ծրագրերը գրված են բարդ, խրթին և մարդկանց համար ընկալելի չեն: Նա նաև նշեց, որ համակարգը լավ չի աշխատում ինչը կրկնակի խուճապ և սթրես է հարուցում քաղաքացիների շրջանում:
Պատգամավորն օրինակ բերեց, որ մարդիկ չեն կարողանում հասկանալ, որ եթե մարտի 31-ին են աշխատանքից ազատվել, ինչո՞ւ չեն կարող օգտվել վեցերորդ ծրագրից:
Պատգամավորը նշեց, որ կանոնավոր ուղևորափոխադրումներ իրականացնող ընկերություննենրը ևս տուժել են: «Եթե մենք ռեստորաններին ասել ենք՝ փակում եք բանալիով, չեք աշխատելու, ապա կանոնավոր ուղևորափոխադրող ընկերություններին էլ ասել ենք՝ անջատեք շարժիչները՝ դուք չեք աշխատելու և սա արտակագ դրության հետևանք է»,- ասաց նա:
Անի Սամսոնյանը նաև ներողություն խնդրեց բոլոր այն քաղաքացիներից, որոնց չեն հասցնում պատասխանել, սակայն խոստացավ որ չեն թողնի անպատասխան:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ