Իրանից Ադրբեջան ավելի քան 10 կգ թմրանյութ են փորձել անցկացնել

Ադրբեջանի պետական սահմանապահ ծառայության աշխատակիցները վերջին շաբաթվա ընթացքում պետական սահմանով ավելի քան 10,5 կգ թմրանյութ անցկացնելու փորձեր են կասեցրել: Այս մասին տեղեկացնում է minval.az կայքը:

Օպերատիվ տեղեկությունների հիման վրա ձեռնարկված քայլերի արդյունքում իրանա-ադրբեջանական «Գյոքթեփե» անցակետի տարածքում հայտնաբերվել և առգրավվել է 2 կգ հերոին, 1 կգ 950 գրամ մետամֆետամին, իսկ «Լենքորան» անցակետի տարածքում` 4 կգ 730 գրամ հերոին և 1 կգ 770 գրամ մետամֆետամին: