Foreign Policy-ն` կորոնավիրուսի դեմ պայքարում Վրաստանի փորձի «անսպասելի հաջողության» մասին

Foreign Policy ամսագիրը պատմել է կորոնավիրուսի համաճարակի դեմ պայքարում Վրաստանի փորձի «անսպասելի հաջողության» մասին:

Հոդվածում խոսքը քաղաքացիների եւ աշխարհի կառավարութունների արձագանքի մասին է կորոնավիրուսի պանդեմիային: «Թայվանի, Կանադայի, Հարավային Կորեայի, Վրաստանի եւ Իսլանդայի օրինակները ցույց են տալիս, որ կորոնավիրուսը հնարավոր է կանգնեցնել»,- նշվում է հրապարակման մեջ:

Վրաստանի հաջողությունը հոդվածի հեղինակները բացատրում են կորոնավիրուսին վաղ արձագանքմամբ: «Չնայած փոքր չափերին եւ տնտեսական ծանր իրավիճակին` փետրվարի վերջին երկիրը սկսեց լուրջ միջոցներ ձեռնարկել` այդ թվում նաեւ փակեց դպրոցները եւ լայնածավալ ախտորոշման թեստեր անցկացրեց: Մինչ այժմ Վրաստանում COVID-19-ից ոչ մի մահվան դեպք չի գրանցվել: Կարծում եմ, որ օգնել է այն փաստը, որ Վրաստանի կառավարությունն ի սկզբանե լուրջ էր դա ընդունել»,- կարծում է վրացի լրագրող Նատալյա Անթելավան:

Վերջին տվյալների համաձայն՝ Վրաստանում կորոնավիրուսի 148 դեպք է գրանցվել: