Թուրքիան ենթարկվում է քաղաքական հզոր ճնշման՝ Քաթարին աջակցելու պատճառով. Թուրքիայի իշխող կուսակցության խոսնակ
Թուրքիան ենթարկվում է քաղաքական հզոր ճնշման՝ Քաթարին աջակցելու պատճառով, այս մասին հայտարարել է Թուրքիայի իշխող «Արդարություն և զարգացում» կուսակցության խոսնակ Մահիր Ունալը, գրում է թուրքական «Միլլիյեթ» պարբերականը։
Հիշեցնենք, որ օրեր առաջ Սաուդյան Արաբիան, Եմենը, Եգիպտոսը, Արաբական Միացյալ Էմիրությունները, Լիբիան, Մալդիվներն ու Բահրեյնը խզել են Քաթարի հետ դիվանագիտական կապերը: Բացի այդ, Քաթարը հեռացվել է Սաուդյան Արաբիայի գլխավորած և Եմենում գրոհայինների դեմ կռվող կոալիցիայից: Ավելի ուշ Քաթարի դեմ արշավին միացել են նաև այլ երկրներ։
Թուրքիայի խորհրդարանն անցած չորեքշաբթի հաստատել է օրինագիծը, որը թույլ է տալիս Քաթարի թուրքական ռազմաբազայում թուրքական զորք տեղակայել: Օրինագիծն ընդունվել է 240 կողմ ձայնով:
Թուրքիայի ընդդիմությունը՝ մասնավորապես ժողովրդահանրապետականները, դեմ էին արտահայտվել համաձայնագրի վավերացմանը և զգուշացրել իշխանություններին, որ այն Քաթարի հարցում Թուրքիային կողմնակալ դիրք կմղի, ինչը կարող է նոր խնդիրներ ստեղծել արտաքին քաղաքականության մեջ:
Ունալը, կրկնելով նախագահ Ռեջեփ Թայիփ Էրդողանի խոսքը, վերահաստատել է, որ Թուրքիան շարունակելու է նաև սննդի մատակարարման հարցում օգնություն հասցնել Քաթարին, ինչպես նաև հավելել, որ «եթե Թուրքիան հզոր երկիր չլիներ՝ տարածաշրջանային ճգնաժամերը հեշտությամբ կներթափանցեին նաև իրենց երկիր»։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը