Ադրբեջանում շուրջ 20 օրով հետաձգվել է նաև զորացրումը

Ադրբեջանի պաշտպանության նախարարությունից հայտնել են, որ զորացրումը կատարվելու է ապրիլի 20-25-ը ընկած ժամանակահատվածում: Ավելի վաղ հետաձգվել էր նաև զորակոչը:

Այս մասին ՊՆ-ն հայտնել է ադրբեջանական «Ռեֆորթ» լրատվակայքի հարցմանն ի պատասխան:

Նախորդ տարի այս ժամանակահատվածի զորակոչը մեկնարկել էր ապրիլի 1-ից, և տևել մինչև ապրիլի 30-ը: Ըստ էության՝ գարնանային զորակոչը հետաձգվում է 20 օրով:

Ավելի վաղ՝ Ադրբեջանի խորհրդարանն ընդունել էր ապրիլի 1-30-ը սպասվելիք գարնանային զորակոչը նոր կորոնավիրուսի (COVID-19) տարածման կանխարգելման համար մինչև մայիսի 31-ը հետաձգելու մասին օրինագիծ։ Ադրբեջանում պարտադիր զինծառայության համար զորակոչ լինում է տարին 4 անգամ՝ երեք ամիսը մեկ։ Գարնանային զորակոչը սկսում է ապրիլին։

Հիշեցնենք, որ կորոնավիրուսի տարածման կանխարգելման համար գարնանային զորակոչը հետաձգվել է նաև Վրաստանում և Ուկրաինայում, իսկ Ռուսաստանում առայժմ չեն հետաձգել։

Աղբյուրը՝ razm.info