Թուրքիան կշարունակի ամեն տեսակի օգնություն տրամադրել Քաթարին. Էրդողան
Թուրքիան կշարունակի ամեն տեսակի օգնություն տրամադրել Քաթարին։ Այդ մասին, ինչպես հայտնում են թուրքական լրատվամիջոցները, հայտարարել է Թուրքիայի նախագահ Ռեջեփ Թայիփ Էրդողանը։
«Ահաբեկչական կազմակերպություններ են անվանում տարբեր նպատակներով ստեղծված քաթարյան հիմնադրամները։ Այդպես չի կարելի։ Ես նույնպես գիտեմ այդ հիմնադրամների մասին։ Մինչ այսօր ես նման բանի ականատես չեմ եղել, որ Քաթարն աջակցի ահաբեկչությանը»,- ասել է Էրդողանը։
Թուրք ղեկավարը նաև կոչ է արել դադարեցնել Քաթարի «շրջափակումը»՝ ընդգծելով, որ Սաուդյան Արաբիան պետք է ստանձնի տարածաշրջանի երկրներին հաշտեցնելու պատասխանատվությունը։
«Ես խնդրանք ունեմ Սաուդյան Արաբիային. Դուք ամենախոշոր և ուժեղ երկիրն եք նեղուցում... դուք բոլորդ պետք է միավորվեք»,- ասել է նա։
Հիշեցնենք, որ օրեր առաջ Սաուդյան Արաբիան, Եմենը, Եգիպտոսը, Արաբական Միացյալ Էմիրությունները, Լիբիան, Մալդիվներն ու Բահրեյնը խզել են Քաթարի հետ դիվանագիտական կապերը: Բացի այդ, Քաթարը հեռացվել է Սաուդյան Արաբիայի գլխավորած և Եմենում գրոհայինների դեմ կռվող կոալիցիայից: Օրերս Քաթարի դեմ արշավին միացել են նաև այլ երկրներ։
Ավելի վաղ հաղորդվել է, որ Թուրքիայի նախագահ Ռեջեփ Թայիփ Էրդողանը ստորագրել է երկրի խորհրդարանում ընդունված և Քաթարում թուրքական զորք տեղակայելու մասին որոշումը։ Հիշեցնենք, որ Թուրքիայի խորհրդարանը չորեքշաբթի հաստատել էր օրինագիծը, որը թույլ է տալիս Քաթարի թուրքական ռազմաբազայում թուրքական զորք տեղակայել: Օրինագիծն ընդունվել է 240 կողմ ձայնով: Հայտնի է, որ Թուրքիան Քաթար կուղարկի 90 զինվորական, ռազմական ինքնաթիռ և նավ: Առաջիկա երկու ամսում զինվորականների թիվը նախատեսվում է հասցնել 250-ի:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը