Նիդերլանդների առողջապահության նախարարն ուշաթափվել է խորհրդարանում (տեսանյութ)

Նիդերլանդներում, որտեղ գրանցվել է Covid-19-ի ավելի քան 2000 դեպք, նախօրեին խորհրդարանում քննարկվում էր կորոնավիրուսի դեմ պայքարի հարցերը։ Այս մասին գրում է RT-ն։

Խորհրդարանում էր նաև առողջապահության նախարար Բրունո Բրույնսը, որն ամբիոնի մոտ ուշաթափվեց։ Նրան արագ օգնության եկան պատգամավորները ու ոտքի հանեցին։

Վերջին օրերին Բրույնսը բուռն քննադատությունների է ենթարկվում ՝ կապված իր կուսակցության կողմից համաճարակի դեմ պայքարի ձեռնարկած միջոցների համար։ Երկրում արդեն մահացել է մոտ 60 մարդ։ Ի տարբերություն եվրոպական մի շարք այլ երկրների, Նիդերլանդները միայն երկուշաբթի որոշեցին փակել դպրոցներն ու ցերեկային խնամքի կենտրոնները։

Նախարարի ուշաթափությունը շատերին հիշեցրել է Իրանի առողջապահության նախարարի տեղակալին՝ Covid-19 ախտորոշումից առաջ, որը ուղիղ եթերում տեսախցիկների առաջ սրբում էր քրտինքը։

Նիդերլանդների նախարարը թվիթերում գրել է, որ ուշաթափվել է՝ ուժասպառ լինեու պատճառով։

«Այժմ ավելի լավ եմ, պատրաստվում եմ գնալ տուն ու հանգստանալ այս երեկո, որպեսզի կարողանամ վերադառնալ աշխատանքի վաղը` հնարավորինս ավելի լավ պայքարելու կորոնաճգնաժամի դեմ»,-գրել է նախարարը։