Դե, եթե Նիկոլին նոր մեքենա, ինքնաթիռ է հասնում, բա էս ժողովրդին ի՞նչ է հասնում․Իսրայել Հակոբկոխյան. (տեսանյութ)

Ամեն բան կինոներում տեսել էի, բայց չէի պատկերացնումç որ իմ հայրենիքում հնարավոր է նման բան․ «մասկեքով» մտել են Արամ Վարդանյանի (Վստրեչի Ապեր) տուն։ Այս մասին՝ Անժելա Թովմասյանի՝ Արմնյուզ ՀԸ «Հայելու առաջ» հեղինակային հաղորդման ժամանակ ասել է բռնցքամարտի աշխարհի չեմպիոն Իսրայել Հակոբկոխյանը։

Հիշեցնենք, որ այսօր առավոտյան փաստաբան Լուսինե Սահակյանն իր ֆեյսբուքյան էջում գրել էրş «Այսօր, գիշերը ժամը 02.40-ի սահմաններում, ոստիկանության հարյուրավոր աշխատակիցների կողմից տեղի է ունեցել հարձակում Արամ Վարդանյանին և նրա հարազատներին պատկանող Արցախի փողոցի 17 հասցեում գտնվող տների վրա։ Ոստիկանության հարյուրավոր աշխատակիցներ շրջափակել են նշված հասցեում գտնվող բազմաթիվ տները, ապօրինի, առանց թույլտվության, ոչինչ չբացատրելով, որևէ փաստաթուղթ չներկայացնելով, կոտրելով դռներն ու պատուհանները, հատուկ սարքերի միջոցով կտրելով ճաղավանդակները, ներխուժել են նշված տները, որի ընթացքում նաև կատարել հափշտակություն։ Անգամ տանը մանկահասակ երեխայի առկայությունը չի կանգնեցրել ոստիկաններին շարունակել զենքի օգտագործմամբ ապօրինությունները, որի հետևանքով երեխայի առողջությանը պատճառվել է լուրջ վնաս»:

Բռնցքամարտիկի խոսքով՝ անհասկանալի է՝ ինչ են փնտրել ոստիկանները Արամ Վարդանյանի տանը, բայց ամբողջությամբ տակնուվրա են արել վերջինիս տունը․ «Նշանակություն չունի՝ ինչ են փնտրել, բայց դա հայի անելիք է՞, երբ տանը մայրը, երեխան քնած են։ Մեկ էլ թուրքերն են այսպես մտել հայի օջախ»։

Ըստ բռնցքամարտիկի՝ այսօրվա իշխանությունը հեղինակություններից խորշում է և Վարդանյանի հետ կապված միջադեպը դրա հետ է կապված:

Խոսելով տիրող մթնոլորտից ու նախկինների նկատմամբ իրականացվող քայլերից՝ Իսրայել Հակոբկոխյանն ասել է. «Ռոբերտ Քոչարյանը միայն մի բան չի կատարել իր ասածներից, երբ ժամանակին ասել էր՝ յուրաքանչյուրն իր արածների համար պետք է պատասխան տա ու պատասխան չի պահանջել»։

Հարցին՝ ինչպե՞ս կբնորոշի այն քայլերը, որոնք այսօր իրականացվում են ՀՀ երկրորդ նախագահ Ռոբերտ Քոչարյանի դեմ, բռնցքամարտիկը պատասխանել է. «Ոնց կարելի ա հերոսի հետ նման կերպ վարվել։ Էսօր Նիկոլին էլ ա հալալ, որ իրեն նոր մեքենա են գնում, ինքնաթիռ։ Դե, եթե Նիկոլին հասնում ա, բա ժողովրդին ի՞նչ ա հասնում»։

Իսրայել Հակոբկոխյանն իշխանության բոլոր քայլերը սուտ ու կեղծ է համարում, և հարցին՝ ո՞րն է Ձեզ համար այս իշխանության ամենամեծ սուտը, բռնցքամարտիկը նշել է. «Հիշու՞մ եք՝ ասում էր՝ գալիս եմ՝ ժողովրդին ծառայեմ, ինչ եկել ա, ասում ա՝ փռեմ ասֆալտին, պատերին խփեմ»։