Իրանում կորոնավիրուսով վարակվածների թիվը հասել է 593-ի. նրանց թվում են Մեջլիսի 5 անդամներ

Իրանում կորոնավիրուսով վարակվածների թիվը հասել է 593-ի, գրանցվել է մահվան 43 դեպք: Նման տվյալներ է ներկայացրել Իրանի առողջապահության նախարարության հասարակայնության հետ կապերի դեպարտամենտի ղեկավար Քիյանուշ Ջահանպուրը, հաղորդում է ՏԱՍՍ-ը:

Նշվում է, որ վարակվածների թվում են Իրանի Մեջլիսի (խորհրդարան) 5 անդամներ:

«Հաստատված նոր դեպքերի թիվը հասել է 205-ի»,- նրա խոսքը մեջբերում է ISNA գործակալությունը:

«Մեջլիսի 100 անդամների շրջանում, որոնք թեստ են հանձնել, անալիզների արդյունքները դրական են եղել 5-ի մոտ»,- ասել է Մեջլիսի պաշտոնական ներկայացուցիչ Ասադուլլահ Աբբասին:

Փետրվարի 19-ին Իրանի առողջապահության նախարարությունը հայտնել է երկրում կորոնավիրուսով վարակման առաջին դեպքերի մասին, որոնց հայտնաբերել են Կում նահանգում: Այդ կապակցությամբ փակվել են երկրի բոլոր դպրոցները, Մեջլիսը մեկ շաբաթով դադարեցրել է աշխատանքը:

Այս թեմայով Իրանում գրանցվել է COVID-19- ի զոհերի ռեկորդային ցածր ցուցանիշ Իրանում վարակվածների կեսից ավելին ապաքինվել է Ռոհանին ասել է, թե երբ Իրանում կչեղարկվի ազատ տեղաշարժի արգելքը. «ՌԻԱ Նովոստի» Իրանում մոտ 100 000 կալանավոր ժամանակավորապես ազատ է արձակել Չինաստանը կոչ է անում չեղարկել հակաիրանական պատժամիջոցները՝ կորոնավիրուսի հետ կապված