Ուկրաինացին փորձել է Լեհաստանից պահեստային անիվի մեջ թաքցրած 20 կգ կանեփ տեղափոխել իր երկիր (լուսանկարներ, տեսանյութ)
Ուկրաինայի արևմտյան Լվովի մարզում սահմանապահներն ու մաքսատան աշխատակիցները ձերբակալել են մի տղամարդու, որը փորձել է Լեհասանից պահեստային անիվի մեջ թաքցրած թմրանյութ տեղափոխել Ուկրաինա: Այս մասին հայտնի է դառնում երկրի պետական սահմանային ծառայության տարածած հայտարարությունից:
Ստուգումների արդյունքում սահմանապահները Mercedes մակնիշի միկրոավտոբուսից պահեստային մի անիվ են գտել, որի մեջ ուկրաինացին թմրամիջոցների փաթեթներ է պահել:
«Լվովի շրջանի սահմանապահներն այսօր առավոտյան Լեհաստանից միկրովտոբուսով ուղևորվող Ուկրաինայի քաղաքացու են կանգնեցրել: Գրուշևի անցակետում սահմանային-մաքսային հսկողության միջոցառումների ընթացքում ծառայողական շուն է աշխատել»,-ասվում է հաղորդագրության մեջ:
Անալիզի արդյունքում պարզվել է, որ հայտնաբերվածը, ամենայն հավանականությամբ, ընդհանուր առնվազն 20 կիլոգրամ քաշով կանեփ է եղել:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին