ԵԱՀԿ ներկայացուցիչը մտահոգված է Ադրբեջանում լրագրողների նկատմամբ բռնության դեպքերով
ԶԼՄ-ների ազատության հարցերով ԵԱՀԿ ներկայացուցիչ Առլեմ Դեզիրը հայտարարել է, որ ցավում է Բաքվի ԿԸՀ շենքի դիմաց բողոքի ակցիաների ժամանակ լրագրողների նկատմամբ կոշտ եւ բռնի գործողությունների, ձերբակալությունների կապակցությամբ, հաղորդում է Turan-ը:
«Շատ մտահոգված եմ լրագրողների դեմ իրավապահ մարմինների բռնի գործողությունների դեպքերով եւ կոշտ վերաբերմունքով: Դա անթույլատրելի է, քանի որ լրագրողները լուսաբանում են հասարակական հետաքրքրություն ունեցող իրադարձություններ՝ կապված օրենսդիր մարմիններում վերջին ընտրությունների հետ»,- ասել է Դեզիրը:
Փետրվարի 11-ին հայտնի է դարձել, որ առնվազն 8 լրագրող, այդ թվում «Ամերիկայի ձայնը» ադրբեջանական ծառայության, RFE/RL-ի եւ Meydan TV-ի լրագրողները, կոշտ վերաբերմունքի են արժանացել, ձերբակալվել են կամ հարձակման ենթարկվել իրավապահների կողմից:
Դեզիրը նշել է այն հաղորդագրությունները, որոնց համաձայն՝ Bastainfo.com-ի խմբագիր Մուստաֆա Հաջիբեյլիին ծեծի են ենթարկել, հարվածել են լրագրող Այնուր Էլգունեշի գլխին, իսկ լրագրող Սեվինչ Վակիֆկըզըն դեմքին հարված է ստացել:
«Իշխանություններին կոչ եմ անում օպերատիվորեն հետաքննել այդ միջադեպերը, պատասխանատվության ենթարկել բոլոր մեղավորներին եւ համապատասխան պաշտպանության միջոցներ տրամադրել տուժածներին»,- ասել է ԵԱՀԿ ներկայացուցիչը՝ հիշեցնելով, որ ԶԼՄ-ներն իրավունք ունեն լուսաբանել հանրային միջոցառումները, իսկ իրավապահները պարտավոր են հարգել եւ պաշտպանել նրանց ազատության եւ անվտանգության իրավունքը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...