Տեսախցիկը ֆիքսել է՝ ինչպես է Մայամիում կայացած երեկույթից հետո սրահի ամբողջ հատակը ծածկվել դոլարի թղթադրամներով (տեսանյութեր)

Մայամիում կայացել է Million Dollar Bowl ամենամյա միջոցառումը, որը կազմակերպում է Quality Control Music լեյբլը:

Միջոցառման ժամանակ արված տեսանյութերում երևում է, որ միջոցառման անցկացման սրահի հատակն ամբողջովին դոլարի թղթադրամներով է պատված:

Ինչպես նշում է dailymail.co.uk-ը, միջոցառմանը սովորաբար մասնակցում են մերկապարուհիներ ու աստղեր, որոնք բեմից թղթադրամներ են շաղ տալիս: Օրինակ՝ այս անգամ ռեփեր Փաֆ Դեդին աղջիկներից յուրաքանչյուրին հարյուր դոլար արժողությամբ թղթադրամներ է տվել:

Հատկանշական է, որ միջոցառմանը մասնակցած մերկապարուհիներից շատերը բողոքել են, որ անվտանգության ծառայության աշխատակիցներն իրենց արգելել են հատակին շաղ տված գումարները հավաքել: Նրանք պատմել են, որ հազար դոլարից էլ պակաս գումար են կարողացել հավաքել:

Նշվում է, որ միջոցառման ժամանակ մերկապարուհիներին արգելված է եղել ամբողջովին մերկանալ: