Արցախի հասարակությունը երբեք պառակտված չի եղել (տեսանյութ)
Արցախի հասարակությունը, նույնիսկ եթե ընտրություններում լուրջ քաղաքական պայքար է եղել, երբեք պառակտված, տարանջատված չի եղել, հիմա Փաշինյանը քլունգն առած քանդում է Արցախի այդ միասնությունը, դրա վտանգները շատ խորն են: Այս մասին «Ոսկանապատ» վերլուծական կենտրոնի «Արցախը մեծ փոփոխությունների նախաշեմին: Արտաքին և ներքին անվտանգություն» թեմայով քննարկմանն ասաց քաղաքական գործիչ Դավիթ Շահնազարյանը:
Նրա խոսքով՝ եթե Արցախի Հանրապետությունում նախագահական ընտրությունների արդյունքում նախագահի բարձր պաշտոնը զբաղեցնի որևէ անձնավորություն, որը հլու հնազանդ Փաշինյանի կամակատարն է լինելու, և ուղղակիորեն պաշտպանելու է այն բոլոր ճակատագրական սխալները, որն անում է Հայաստանի իշխանությունը և կառավարության ղեկավարը, ապա վտանգները ավելի շատ են լինելու:
«Հայաստանի վարչապետը բազմիցս հայտարարել է, որ Արցախի ու Հայաստանի դիրքորոշումները թե՛ բանակցային գործընթացի, թե՛ ընդհանարապես հակամարտության կարգավորման հարցում նույնական են: Այդ դեպքում առաջանում է խիստ հակասություն, եթե նույնական են, ապա ինչո՞ւ ես ուզում Արցախի ներկայացուցիչներին տանել բանակցային սեղան: Սա հարվածներից մեկն է, որը հասցվում է Արցախի Հանրապետության սուբյեկտայնությանը»,- հայտարարեց Դավիթ Շահնազարյանը:
Նրա խոսքով՝ եթե դա տեղի ունեցավ, ապա Արցախում իշխանության եկած նախագահը շարունակելու է անել այս ամենը՝ ինքնամեկուսացնելու է Արցախը բանակցային բոլոր գործընթացներից: «Շատ հավանական եմ համարում, որ Արցախի Հանրապետության նախագահի և այսպես ասած Լեռնային Ղարաբաղի ադրբեջանական համայնքի միջև սկսվեն ուղղակի պաշտոնական շփումներ, որովհետև ամեն ինչ գնում է դրան»,- շեշտեց նա:
Վերջինս ընդգծեց, որ փորձ է արվում Արցախում ստեղծել այն վիճակը, որ կար Հայաստանում 2018թ. ապրիլին, կամ դրանից հետո: «Հայաստանի իշխանությունը նպատակաուղղված տարանջատում է մտցնում Արցախի հասարակության մեջ, սա Փաշինյանի քաղաքականության կարևորագույն բաղադրիչներից է, և քանի որ այս իշխանությունը նոր Հայաստան ասելով՝ բերում է նաև նոր «բարոյականություն», դա «իրենց բարոյականությունն է» և այդ ամենը փորձ է արվում ներմուծել նաև Արցախ»,- հայտարարեց Դավիթ Շահնազարյանը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո