Սիրիայում չորս թուրք զինվոր է սպանվել

Չորս թուրք զինվոր է զոհվել, իսկ եւս ինը վիրավորվել (մեկը ծանր վիճակում է) սիրիական Իդլիբում գտնվող գոտում: Ըստ թուրքական կողմի զինվորները զոհվել եւ վիրավորվել են  սիրիական կառավարական զորքերի հրթիռակոծման հետեւանքով: 

Թուրքիայի զինվորական գերատեսչության զեկույցում ասվում է, որ թուրքական զորքերը նախկինում իրենց կոորդինատները փոխանցել են հակամարտության կողմերին ՝ բախումներից խուսափելու համար: Այնուամենայնիվ, Սիրիայի նախագահ Բաշար Ասադի զորքերը հարվածել են թուրքերին, պնդում են Անկարայում:

Պաշտպանության նախարարությունը նշել է, որ իրենք «անհապաղ պատասխան գործողություն են հասցրել՝ ոչնչացնելով հարվածներ հասցրած հրետանային բոլոր համալիրները: 

Top-News.am