Իշխանությունն ատելության խոսքն օգտագործում է որպես քաղաքական տեխնոլոգիա. Ստեփան Դանիելյան
Ատելության խոսքը, իմ դիտարկումներով, իշխանությունն օգտագործում է որպես քաղաքական տեխնոլոգիա։ Այս մասին Tert.am-ի հետ զրույցում ասաց քաղաքագետ Ստեփան Դանիելյանը` անդրադառնալով դիտարկումներին, որ հանրությունում, սոցցանցերում մեծանում է ատելության խոսքը:
«Նախ, իշխանությունը դրանով փորձում է չեզոքացնել քննադատությունն իր հասցեին, ինչը, բնականաբար, անխուսափելի է ցանկացած իշխանության համար։ Երկրորդը՝ փորձում է կողմնակիցներ ձեռք բերել, դրա համար պետք է ունենալ քաղաքական թշնամի և այդ թշնամուն դեմոնացնել։ Դա ինչ-որ ժամանակահատված կարող է աշխատել, սակայն հետագայում այն սկսում է հակառակ էֆեկտ ունենալ»,– ասաց նա։
«Վստահ եմ, որ որոշ ժամանակ անց իշխանությունը կսկսի անկեղծորեն խոսել հանդուրժողականությունից, սակայն հարց է, դա որքանով ազդեցություն կունենա: Կխոսի, որովհետև անհանդուրժողականությունը ծնում է փոխադարձ անհանդուրժողականություն, իսկ իշխանությունը լինելով պատասխանատու երկրի վիճակի համար, ավելի խոցելի դիրքերում է հայտնվում»,- ասաց նա:
Ինչ վերաբերում է Սահմանադրական դատարանի հարցում իշխանության կողմից կիրառվող քարոզչական տեխնոլոգիաներին, ապա, Ստեփան Դանիելյանի կարծիքով, դրանք չեն աշխատում։
«Մեկ դիմում են օրինականությանը՝ ասելով, որ նշանակման ժամանակ խախտում է եղել, սակայն դա ասում են, առանց դատարանի վճիռն ունենալու, մեկ ասում են՝ վատ մարդիկ են, մեկ՝ որ հակահեղափոխական են և այլն։ Այդ ամենն անլուրջ է, ավելի շուտ մանկամիտ մոտեցում է։ Եթե քարոզչության առումով ենք մոտենում, ապա այս հարցում ակնհայտորեն պարտվում են։ Նաև չեն ասում, թե այս պատմության քաղաքական նպատակահարմարությունը որն է»,-ասաց նա:
Անդրադառնալով «ՎԵՏՕ» հասարակական-քաղաքական շարժման և «Ադեկվադ» միաբանության անդամների ձերբակալություններին և ազատ արձակելուն, ինչպես նաև դա որպես հանրության պահանջ ներկայացնելուն, քաղաքագետը նշեց. «Ցանկացած ձերբակալություն, կալանավորում, բերման ենթարկելու դեպք պետք է օրենքի շրջանակում լինի, հակառակ դեպքում դա հանցագործություն է։ Հանրության կարծիքը, եթե անգամ նման բան լինի, ենթակա է օրենքին ու Սահմանադրությանը»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...