Մահացած զինծառայողի հարազատները վերադառնում են գյուղ՝ զինծառայողին հուղարկավորելու
Հունվարի 30-ին Արցախում մահացած զինծառայող Վահրամ Ավագյանի հարազատները դադարեցրեցին բողոքի ակցիան։ Նրանք վերադառնում են Արմավիրի մարզի Հայթաղ գյուղ՝ զինծառայողի մարմինը հողին հանձնելու։
Նշենք, որ այսօր առավոտյան նրանք երթով հասել են Երևան՝ Արգավանդի խաչմերուկ և պատրաստվում էին զինծառայողի դագաղը տեղափոխել պաշտպանության նախարարության դիմաց՝ ի նշան բողոքի։ Զինծառայողի հարազատները չեն հավատում մահվան պաշտոնական` ինքնասպանության վարկածին:
Ոստիկանները, սակայն, նրանց թույլ չտվեցին առաջ գնալ։ Հարազատների հետ հանդիպեց պաշտպանության նախարար Դավիթ Տոնոյանը։ Այդտեղ էր նաև ՀՀ ԱԺ «Իմ քայլը» խմբակցության պատգամավոր, ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Դավիթ Տոնոյանը ասաց, որ իրենց համար էլ գործի բացահայտումը «թասիբի հարց է» և այժմ երեք զինծառայող է ձերբակալվել այդ գործի շրջանակներում։
NEWS.am-ի հետ զրույցում հարազատները պնդում են, որ կատարվածը սպանություն է: Վահրամը բանակ էր զորակոչվել 6 ամիս առաջ, ծառայում էր Արցախում: Զինվորը մահացել է հունվարի 30-ին՝ ժամը 13:15-ի սահմաններում: Քննչական կոմիտեն հայտարարել է, որ զինվորն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում և ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը: Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն:
Լուրեր Հայաստանից - NEWS.am


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս