Եվրախորհրդարանի հույն պատգամավորը պատռել է թղթից Թուրքիայի դրոշը (տեսանյութ)
Բրյուսելում կայացած Եվրախորհրդարանի նիստին հույն պատգամավոր Իոանիս Լագոսն ի նշան բողոքի պատռել է թղթից Թուրքիայի դրոշը: Այս մասին տեղեկացնում է haberler.com կայքը:
Հույն պատգամավորը նիստի ժամանակ անդրադարձել է հունական կղզիներում ապաստանած փախստականների վիճակին և նշել է, որ այնտեղ Թուրքիան կարողանում է անել այն, ինչ ուզում է:
«Չլսեցինք, որ այստեղ մեկը խոսի հույն քաղաքացիների վիճակից: Բոլորը փախստականների մասին են խոսում: Իսկ ի՞նչ է լինելու հույն քաղաքացիների վիճակը: Մի կողմից էլ Թուրքիան է, որը կարողանում է անել այն, ինչ ցանկանում է: Մեր երկիր ներգաղթյալների անդադար հոսք է... Ահա, սա Թուրքիայի դրոշն է, ի՞նչ են սա անում: Պատռում են և դեն նետում: Պետք է վերջ դնել սրան»,- ասել է Լագոսը:
Հույն պատգամավորը նշել է, որ իր երկրի քաղաքացիների 70%-ը դեմ է ապօրինի ներգաղթին, և տեղեկացրել է, որ իր ժողովուրդը հարձակումների է ենթարկվում այդ ներգաղթյալների կողմից, որոնց Թուրքիան իր երկրից ուղարկում է հունական կղզիներ:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին