Ռուս պրանկերները Գրետա Թունբերգի անունից խաղարկել են Ջոկերի դերակատարին
Հայտնի ռուս պրանկերներ Վլադիմիր Կուզնեցովն ու Ալեքսեյ Ստոլյարովը, որոնց ավելի շատ ճանաչում են Վովան և Լեքսուս մականուններով, խաղարկել են հոլիվուդյան դերասան Խոաքին Ֆենիքսին՝ նրա հետ զրուցելով բնապահպանական ակտիվիստուհի Գրետա Թունբերգի և նրա հոր անունից:
Ինչպես նշում է ria.ru-ն, Թունբերգի անունից խոսել է պրանկերներին ծանոթ մի աղջիկ, իսկ հոր անունից՝ Ստոլյարովը:
«Թունբերգը» Ջոկերի դերակատարին պատմել է, որ ցանկանում է «Աստղերը կփրկեն Երկիրը» խորագրով նոր էկո արշավ սկսել՝ խոսելով գյուղատնտեսության ոլորտում կենդանիների իրավունքների պաշտպանության հարցի շուրջ:
Հոլիվուդյան դերասանը «շվեդուհուն» վստահեցրել է, որ ինքն ու իր հարսնացուն՝ Ռունի Մարան, պատրաստ են օգնել:
Այնուհետև «Թունբերգն» ասել է, որ կցանկանար նկարահանվել «Ջոկեր» ֆիլմի շարունակությունում, ինչին ի պատասխան Ֆենիքսը խոստացել է խոսել ռեժիսորի հետ:
Բացի այդ, «Թունբերգը» նրան խնդրել է Ջոկերի պես չարագուշակ ծիծաղել:
«Դա հեշտ չէ, ես արդեն, կարելի է ասել, մոռացել եմ՝ ինչպես էր դա արվում»,- ասել է դերասանը, բայց տեղի տալով «ակտիվիստուհու» խնդրանքին՝ ի վերջո ծիծաղել է:
Այնուհետև զրույցին է միացել «Թունբերգի» հայրը, որը փորձել է կրկնել Ջոկերի ծիծաղը, սակայն դուստրն ասել է, որ հայրը վատ դերասան է, ապա հնչել են «կրակոցներ»:
«Օ՜, Աստված իմ, ախր սա պրանկ է: Մեզ խաղարկել են, բայց դա հրաշալի էր: Ապրեք»,-ասել է
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին