Վրաստանը, շրջանցելով սեփական օրենսդրությունը, Եվրոպայի խորհրդի միջոցառումների շրջանակում կընդունի ռուսական պատվիրակությանը. Զուրաբիշվիլի

Վրաստանի նախագահ Սալոմե Զուրաբիշվիլին հայտարարել է, որ Վրաստանը պատրաստ է ընդունել ռուսական պատվիրակությանը, որը մայիսին կժամանի Թբիլիսի` մասնակցելու Եվրոպայի խորհրդի միջոցառումներին: Այս մասին տեղեկացնում է netgazeti.ge կայքը:

«Վրաստանը մայիսին կընդունի Եվրոպայի խորհրդի խորհրդարանական վեհաժողովին, և կապված դրա հետ` Վրաստանը պետք է շրջանցի սեփական օրենսդրությունը, որն արգելում է Վրաստան մուտք գործել մարդկանց, որոնք առանց Վրաստանի թույլտվության այցելել են Վրաստանի օկուպացված տարածքներ, և դա արել են ոչ վրացական կողմից: Իսկ այդ կանոնը վերաբերում է ռուսական պատվիրակության շատ անդամների: Սակայն Վրաստանը հարգում է իր միջազգային պարտավորությունները, բոլոր պարտավորությունները, և մենք կընդունենք Եվրոպայի խորհրդի խորհրդարանական վեհաժողովին, ինչպես և պարտավոր ենք` կանոնների համաձայն: Դա հեշտ չէ և հեշտ չի ընդունվի վրաց ժողովրդի կողմից: Բայց դա այն է, ինչ մենք կանենք` հետևելով կազմակերպության սկզբունքներին»,-հայտարարել է Վրաստանի նախագահը Եվրոպայի խորհրդի խորհրդարանական վեհաժողովում ունեցած ելույթում:

Թբիլիսիում մայիսի 14-ից 15-ը տեղի կունենա Եվրոպայի խորհրդի նախարարների հանձնաժողովի հանդիպումը: Նման հանդիպումներում ռուսական պատվիրակությունը սովորաբար գլխավորում է ՌԴ արտգործնախարար Սերգեյ Լավրովը: