Թրամփն ու Էրդողանը քննարկել են Լիբիայում խաղաղության հաստատման և Սիրիայում բռնության դադարեցման հարցերը
ԱՄՆ նախագահ Դոնալդ Թրամփը և նրա թուրք գործընկեր Ռեջեփ Թայիփ Էրդողանը երկուշաբթի հեռախոսազրույց են ունեցել և քննարկել են Լիբիայում կրակի դադարեցման ռեժիմի, ինչպես նաև Սիրիայում բռնության վերացման անհրաժեշտության մասին հարցերը, հայտնում է ՏԱՍՍ գործակալությունը` հղում տալով Սպիտակ տան մամուլի քարտուղարի տեղակալ Ջադ Դիրի` Twitter սոցիալական կայքի էջում տեղադրած հայտարարությանը:
«Այսօր Թրամփը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ: Երկու երկրների ղեկավարները քննարկել են օտարերկրյա միջամտության վերացման և Լիբիայում կրակի դադարեցման ռեժիմի պահպանման անհրաժեշտությունը: Ղեկավարները համաձայնել են, որ Իդլիբի նահանգում (Սիրիա) տեղի ունեցող բռնության գործողությունները պետք է դադարեցվեն»,- նշել է նա:
«Նախագահ Թրամփը նաև ընդգծել է Միջերկրական ծովի արևելյան հատվածում Թուրքիայի և Հունաստանի միջև առկա տարաձայնությունների կարգավորման անհրաժեշտությունը»,- հավելել է Դիրը:
Ավելի վաղ Սիրիայում պատերազմող կողմերի հաշտեցման գծով ռուսական կենտրոնը զինյալների կողմից սիրիական Հալեպին ուղղված հարվածների ֆոնին նախազգուշացրել է ավազակախմբերի կողմից իդլիբյան գոտում քիմիական զենքի օգտագործմամբ սադրանքների նախապատրաստման մասին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...