Չլիներ Ռոբերտ Քոչարյանի դատավարությունը, այս իշխանությունը ճնշումներ չէր գործադրի դատական համակարգի վրա. Վիկտոր Սողոմոնյան (տեսանյութ)
Իրավապահ մարմինները պետք է ամեն ինչ անեն, որպեսզի վերջին մոտ երկու տարվա ընթացքում բարձրաստիճան պաշտոնյաների մահվան դեպքերի հարցում հասարակությունը կասկածներ չունենա: Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է ՀՀ 2-րդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը:
Ըստ Վիկտոր Սողոմոնյանի՝ նախկին պաշտոնյաների ու իրողությունների նկատմամբ ձևավորված ատելության մթնոլորտը չէր կարող չազդել Գեորգի Կուտոյանի կայացրած ողբերգական որոշման վրա:
Վիկտոր Սողոմոնյանի դիտարկմամբ՝ Գեորգի Կուտոյանի մահվան հանգամանքները պարզելու համար վարկածներ ու ուրվականներ առաջ քաշելը ոչ մեկին օգուտ չի տալու:
Խոսելով Գեորգի Կուտոյանի մահը «Մարտի 1»-ի հետ կապելու առաջ քաշած վարկածներից՝ Սողոմոնյանը պատասխանել է. «Դա անբարոյականություն է: Կուտոյանի մահը «Մարտի 1»-ի հետ կապակցելն այնքան անբարոյականություն է, որքան Գեորգի Կուտոյանի հոգեհանգստի ուղիղ հեռարձակման տակ անբարո մեկնաբանություններ թողնելը»:
Դիտարկմանը՝ «ֆեյքերի» որս է իրականցվում, տարվա սկզբին էլ Դիանա Հարությունյան անունով կեղծ էջի օգտատիրոջը ԱԱԾ-ն բերման ենթարկեց, Վիկտոր Սողոմոնյանն ասել է, որ մի «ֆեյքի» վերաբերյալ վարչապետի մակարդակով արձագանք ենք տեսնում, իսկ ԱԱԾ նախկին պետի մասին «ֆեյքերի» գրառումները որևէ արձագանքի չեն արժանանում:
Անդրադառնալով ներքաղաքական վիճակին, հասարակության մեջ տիրող մթնոլորտին՝ Վիկտոր Սողոմոնյանը նկատում է, որ ընդդիմադիր Փաշինյանը բախվել է իշխանավոր Նիկոլ Փաշինյանին. «Նիկոլ Փաշինյանը երբեք պետական համակարգում չէր աշխատել ու այսօր դարձել է երկրի ղեկավար, դրա համար էլ նա բախվել է իրականության»:
Սողոմոնյանի խոսքով՝ Նիկոլ Փաշինյանի արած քայլերը, մասնավորապես նախարարների աշխատավարձերի բարձրացումը, պարգևավճարները հակասում են իղձերի քաղաքականությանը, որը խոսքով Նիկոլ Փաշինյանը ներկայացնում է ժողովրդին:
«Մարտի 1»-ի գործով դատավարությանն անդրադառնալով՝ Վիկտոր Սողոմոնյանն ասել է, որ Ռոբերտ Քոչարյանը շարունակում է մնալ մարտական տրամադրված. «Նախագահ Քոչարյանը ի թիվս բազմաթիվ ծառայությունների, որ մատուցել է հայ ժողովրդին, հիմա էլ կրելով զրկանքներ, հնարավորություն տվեց, որ մենք շատ արագ բացահայտենք ներկա իշխանությունների հակաժողովրդավարական դեմքը»:
Վիկտոր Սողոմոնյանը համոզված է, որ, եթե չլիներ Ռոբերտ Քոչարյանի գործով դատավարությունը, այս իշխանությունները ոչ մի պարագայում ճնշումներ չէր գործադրի դատական համակարգի վրա:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Արսեն Զախարյանի տրանսֆերային արժեքն աճել է