Չինաստանում փողոցում առաջացած ահռելի փոսը «կուլ է տվել» ավտոբուսն ու հետիոտներին. կան զոհեր և անհետ կորածներ (տեսանյութ)
Չինաստանի պետական հեռուստատեսությունը հրապարակել է տեսանյութ, որը ցույց է տալիս՝ ինչպես է փողոցում անսպասելիորեն առաջացած ահռելի փոսը «կուլ տալիս» ուղևորներով լի ավտոբուսն ու հետիոտներին, գրում է The Guardian-ը:
Միջադեպի հետևանքով գրանցվել է առնվազն 6 զոհ, բացի այդ, կա տասն անհետ կորած: Տասնվեց մարդ հիվանդանոց է տեղափոխվել:
Դեպքը տեղի է ունեցել Սինին քաղաքի ավտոբուսի կանգառներից մեկում: Տեսանյութում երևում է՝ ինչպես են մարդիկ խուճապահար փախչում:
Ներկայում իրականացվում են որոնողա-փրկարարական աշխատանքներ: Դեպքի առնչությամբ սկսվել է հետաքննություն:
Նշվում է, որ գետնի տակից հայտնվող ահռելի փոսերը «նորություն» չեն Չինաստանում: Դրանք հաճախ են տեղի ունենում և կապված են լայնածավալ շինարարական աշխատանքների հետ:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին